Johnny Depp i ofrohet shuma marramendëse që të rikthehet në "Piratët e Karaibeve", a do pranojë aktori?

Thuhet se Johnny Depp i është ofruar të kthehet në “Pirates of the Caribbean” pasi u hoq nga ekskluziviteti në vitin 2018. Depp ishte kryesuesi në pesë filma të Pirates gjatë 15 viteve të fundit dhe bëri atë që mendohej të ishte udhëtimi i tij i fundit në “Black Pearl” në “Dead Men Tell No Tales”, i cili u publikua në vitin 2017.

Por një burim i tha Poptopic se aktori ka qenë në bisedime me Disney për një marrëveshje prej 300 milionë dollarësh pasi fitoi përsëri gjyqin e tij për shpifje kundër Amber Heard. Burimi zbuloi se Disney është i interesuar të rregullojë marrëdhënien me Depp dhe së fundmi ka kontaktuar me të dhe që shpresojnë që ai t`i falë.

"Ata kontaktuan me aktorin përpara gjyqit të tij për shpifje kundër Amber Heard dhe e pyetën nëse ai do të ishte i interesuar të kthehej për një ose dy filma. Marrëveshja thuhet se është që Johnny Depp të kthehet si Jack Sparrow në “Pirates of the Caribbean 6” dhe një seri për jetën e hershme të Kapitenit të “The Black Pearl”. Ajo që mund t’ju them është se studioja ka shkruar tashmë një draft për një film për Jack Sparrow, kështu që ata kanë shumë shpresë se Johnny do t’i falë ata dhe do të kthehet si personazhi i tij ikonë."

Burimi tha se shtëpia mediatike po punon për një marrëveshje prej 301 milionë dollarësh për të tërhequr Depp së shpejti dhe gjithashtu thuhet se po shton një donacion të konsiderueshëm për një bamirësi të zgjedhur nga Depp si një gjest vullneti të mirë.

Kujtojmë se aktori Johnny Depp gjatë gjyqit të tij kundër Amber Heard, deklaroi se do të refuzonte çdo ofertë për rolin e Jack Sparroë në "Piratet e Kraibeve". Johnny Depp zbulon se asnjë shumë parash nuk mund ta bindte atë të kthehej në ekskluzivitetin e Disney-t, në "Piratet e Karaibeve".

Ndërsa ishte nën marrje në pyetje, avokati i Heard-it, Ben Rottenborn, e pyeti Depp-in:

"Nëse 'Disney' do të vinte tek ju me 300 milionë dollarë, asgjë në këtë tokë nuk do t'ju shtynte të ktheheshit dhe të punonit me Disney-n në një film të Piratëve të Karaibeve? E sakte?"

Depp u përgjigj: "Kjo është e vërtetë."