Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Johnny Depp nënshkruan marrëveshjen më të madhe ndonjëherë me Dior, vlera arrin mbi 20 milionë dollarë

Politiko 13 Maj 2023, 20:28

Johnny Depp nënshkruan marrëveshjen më të madhe

Dior po forcon më shumë marrëdhënien e tij me Johnny Depp. Shtëpia franceze e modës luksoze dhe gjigandi i kozmetikës, e cila i qëndroi pranë yllit edhe kur ai u përball me problemet e betejës së tij ligjore me ish-gruan e tij Amber Heard, ka nënshkruar me Depp një marrëveshje marramendëse, duke shënuar paktin më të madh të parfumeve për meshkuj. Burimet e lidhin marrëveshjen trevjeçare në mbi 20 milionë dollarë, gjë që eklipson marrëveshjen prej 12 milionë dollarësh të Robert Pattinson për të shërbyer si zëdhënës i paktit 7 milionë dollarësh të ‘Dior Homme’ dhe Brad Pitt për të promovuar ‘Chanel No. 5’. Një burim i njohur me industrinë e parfumeve thotë se shumica e figurave të njohura me marrëveshje parfumesh nxjerrin rreth 2-4 milionë dollarë në vit si Chris Pine, marrëveshja e të cilit me Armani vlerësohet në 4 milionë dollarë në vit gjatë 3 viteve.

Johnny Depp nënshkruan marrëveshjen më të madhe

Që nga viti 2015, ylli i “Pirates of the Caribbean” ka shërbyer si iamzhi i Dior Sauvage, me një fushatë reklamuese që mbështetej në imazhin e tij si një roker i egër. Kompania u përball me presion për të hequr dorë nga Depp pasi një gjykatë në Mbretërinë e Bashkuar vendosi kundër tij në padinë e tij për shpifje në vitin 2020 kundër “The Sun” për përshkrimin e tij si një “dhunues” në lidhje me Heard. Por imazhi dhe tregtueshmëria e Depp u përmirësuan në mënyrë dramatike vitin e kaluar pasi ai fitoi në një gjyq të ndjekur nga afër për shpifje kundër Heard, dhe shitjet e ‘Dior Sauvage’ u rritën në maksimum, me Bernard Arnault, CEO i kompanisë mëmë të Dior, LVMH, duke përmendur “imazhin e Johnny Depp” si një nga arsyet kryesore pse parfumi kishte qenë “një sukses i jashtëzakonshëm”.

Marrëveshja e re e Depp me Dior përkon me një shfaqje të profilit të lartë për të në Festivalin e ardhshëm të Filmit në Kanë, ku ai do të jetë i gatshëm për premierën botërore të dramës historike të Maïwenn “Jeanne du Barry”, në të cilën ai luan Mbretin Louis XV më 16 maj. Ai pritet të marrë pjesë në një darkë të Dior-it më 17 maj përpara se të niset për në Londër të nesërmen për një nderim të Jeff Beck, ku do të performojë së bashku me Eric Clapton dhe Rod Stewart. Pakti fitimprurës i Dior, i cili u negociua nga përfaqësuesit e Depp në Range Media, mund të ndihmojë në hapjen e rrugës për kthimin e aktorit në filma nga studiot kryesore, të cilat kishin hezituar të punonin me të përpara vendimit të gjykatës së Virxhinias.