"Kanë qenë tre net shumë të vështira", Dojna Mema reagon për ngjarjen e "Just Dance"

Një situatë e pakëndshme ka ndodhur në rubrikën "Just Dance" të dielën kur Albi Nako me atë që i tha një prej konkurrenteve ka nxitur shumë debate dhe ka shkaktuar bujë të madhe.

“Komplimente, por unë mendoj se të garosh me këta të rinj, pa përjashtuar gjithë energjinë tënde  mendoj që je në një moshë më mirë martohu dhe bëj fëmijë se sa të vazhdosh”, i tha Albi Nako njërës prej konkurrenteve pasi e pyeti për moshën e saj.

Mirëpo, për këtë u kritikua dhe moderatorja Dojna Mema për indeferencën në atë situatë, e cila gjithmonë ka dalur publikisht për të folur për të drejtat e grupeve të margjinalizuara e sidomos për të drejtat e vajzave dhe grave.

Fillimisht ajo reagoi me një postim në Instastory duke u shprehur se ajo sulmohet në çdo lloj rasti, edhe kur ngre zërin edhe kur vendos të heshtë.

Por vetëm pak më parë, ajo ka postuar një video ku thotë se ka kaluar 3 net shumë të vështira.

"Kur them diçka apo duhet të mbajë një qëndrim e bëj me fytyrë dhe zë sepse dua të jem e drejtpërdrejtë me ju. Nëse kam pritur 2 ditë për të bërë një reagim, ka ndodhur sepse për mua kanë qenë realisht 3 net shumë të vështira. Gjendem në një situatë që do të doja të mos isha gjendur kurrë në jetën time. E kam menduar stërmenduar çfarë mund të kisha bërë mirë dhe sigurisht me atë çfarë ndodhi dhe unë do të kisha reaguar ndryshe, por në fund të ditës kjo na bën njerëz, që nuk jemi robot, që nuk kemi gjithmonë planin e duhur në momentin e duhur dhe unë jam njerëzore, nuk kam gjithmonë fjalën e duhur në momentin e duhur. Më vjen vërtetë shumë keq që në atë moment nuk gjeta fjalët që ju do të donit të kishit thënë nga shtëpia, ashtu siç kam bërë në çdo rast tjetër”, shprehet Dojna ndër të tjera.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm