Flash News

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Zhduket pa gjurmë çobani në Delvinë

Italia ashpërson rregullat për qarkullimin e monopatinave

POLITIKOFF

"Kosova qëndroi ditë e natë zgjuar", Morena Taraku revoltohet me Ramën: E bërë serbin më të dashur se kosovarin

Politiko 30 Korrik 2021, 22:47

"Kosova qëndroi ditë e natë zgjuar", Morena Taraku

Këngëtarja Morena Taraku ka shpërthyer e revoltuar ndaj kryeministrit Edi Rama, pasi ky i fundit falenderoi në Forumin Ekonomik të gjitha vendet e rajonit që i dhanë mbështetje Shqipërisë në tërmetin e 26 Nëntorit.

Rama i kushtoi një falenderim të veçantë forcave të ekip-shpëtimit nga Serbia dhe Maqedonia e Veriut. “Në Shqipëri ra tërmeti dhe ishin forcat e kërkim-shpëtimit nga vendet e rajonit që mbërritën me shpejtësi dhe mes tyre ishin edhe forcat e kërkim-shpëtimit nga Serbia dhe Maqedonia e Veriut”, u shpreh Rama.

Ka qenë pikërisht deklarata e Ramës ajo që ka acaruar këngëtaren, e cila përmes një postimi në Instastory ka thënë se nuk mund t'iu mohoet ndihma shqiptarëve të Kosovës dhe të përmenden të parët serbët dhe maqedonasit.

“Nuk përzihem fare me politikën e aq më pak shoh lajmet andej. Por këtë që lexova tani më preku mua e lë më gjithë kosovarët e tjerë që ndihmuan në Shqipëri gjatë tërmetit! Mirë kam një pyetje! Kamionët që nisën mërgimtarët tanë nga Evropa, tendat, ushqimet, veshmbathje e që gjithat zhdukeshin ende pa arritur në vendin që presim ne, a thu ku mbetën apo i paskan zhdukur me qëllime që kinse Kosova nuk paska ndihmuar asgjë?

Unë erdha nga Turqia lashë babain e sëmurë, edhe pse tërmetet i kam fobi. Këtë po ta them ty që ta dish!

Mirë e bëre serbin më të dashur se kosovarin nuk çuditem fare. Por mos vallë folët ndonjëherë ose mos na dekoruat me ndonjë falenderim ne artistave të Kosovës që qëndruam ditë e natë të zgjuar atje ku njerëzit e qeverisë tënde as që kishin qenë ndonjëherë!

Mirë! Po shtëpinë që unë Morena Taraku ndërtova në Kameras s’ke dëgjuar jo sepse po të dëgjoje me siguri s’do thoje serbët erdhën të parët. Por ja që ndihmuam se ju kemi borxh vëllezërve tanë", shkruan Morena.

"Kosova qëndroi ditë e natë zgjuar", Morena Taraku     "Kosova qëndroi ditë e natë zgjuar", Morena Taraku    "Kosova qëndroi ditë e natë zgjuar", Morena Taraku

 

 

Të fundit