Flash News

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

Megaoperacioni/ Grupi me bazë në Durrës, zbardhen emrat e trafikantëve shqiptarë

POLITIKOFF

Kush ka më shumë nevojë për ushtrime fizike: Gratë apo burrat?

Politiko 21 Maj 2025, 15:43

Kush ka më shumë nevojë për ushtrime fizike: Gratë apo

Aktiviteti fizik i rregullt ul ndjeshëm rrezikun e vdekjes, sidomos nga sëmundjet e zemrës. Por një studim i publikuar në vitin 2024 në Journal of the American College of Cardiology tregon se gratë përfitojnë më shumë nga ushtrimet fizike sesa burrat, edhe me më pak kohë stërvitjeje.

Studimi analizoi të dhënat e mbi 412,000 të rriturve amerikanë të moshës 27–61 vjeç, prej të cilëve 55% ishin gra. Sipas dr. Martha Gulatit, bashkautore e studimit, “Gratë përfitojnë më shumë nga çdo minutë aktivitet fizik sesa burrat.”

Nga të anketuarit, 32% e grave dhe 43% e burrave bënin ushtrime aerobike rregullisht (të paktën 150 minuta në javë). Gratë që stërviteshin kishin deri në 24% më pak rrezik vdekjeje nga çdo shkak, ndërsa burrat vetëm 15%. Përfitimet më të mëdha për burrat u arritën pas 300 minutash aktivitet në javë, ndërsa për gratë mjaftonin rreth 140 minuta për të arritur të njëjtën ulje rreziku.

Edhe për forcimin e muskujve (si ngritja e peshave), gratë që stërviteshin dy herë në javë kishin 19% më pak rrezik vdekjeje krahasuar me ato joaktive, ndërsa burrat përfitonin 11%. Për sa i përket vdekshmërisë nga sëmundjet kardiovaskulare, gratë që ushtronin aerobikisht kishin 36% më pak rrezik, kurse burrat 14%. Ushtrimet për forcimin e muskujve ulën këtë rrezik me 30% për gratë dhe 11% për burrat.

Një nga zbulimet më të habitshme ishte ndikimi i madh i stërvitjes me pesha në uljen e rrezikut për gratë. Megjithatë, studimi kishte disa kufizime: të dhënat për aktivitetin fizik ishin vetëraportuar, nuk përfshinin aktivitetin gjatë punëve të shtëpisë apo në punë, dhe nuk ndiqnin ndryshimet në zakonet e stërvitjes me kalimin e kohës.

Përfundimisht, ky studim sugjeron se gratë mund të përfitojnë më shumë nga ushtrimet fizike, si në uljen e rrezikut të vdekjes nga të gjitha shkaqet, ashtu edhe nga ato të zemrës. Studiuesit shpresojnë se këto rezultate do t’i motivojnë më shumë gra të përfshihen në aktivitet fizik të rregullt. / Live Science

Të fundit