Lionel Messi mes lotësh konfirmon largimin nga Barcelona: Doja të qëndroja, bëra gjithçka munda

Sulmuesi, i cili u përlot ndërsa mori duartrokitje, tha se ai u përpoq të sillej me përulësi dhe respekt, dhe që shpreson se ky është kujtimi që do të më mbetet nga ai. Messi tha se :"Ka shumë klube të interesuara".

Mes lotësh, Messi i dha lamtumirën klubit të Barcelonës - por tha se ai ende nuk ka vendosur për të ardhmen e tij.

"Unë jam shumë mirënjohës për dashurinë që njerëzit më kanë treguar këto vite," tha ai në konferencën për shtyp.

Sulmuesi, i cili shpërtheu në lot kur salla duartrokiti dhe brohoritën, tha se ai u përpoq të "sillej me përulësi dhe respekt, dhe shpresoj se ky është kujtimi që do të më mbetet nga unë".

Messi, 34 vjeç, e ka kaluar gjithë karrierën e tij te Barcelona, ​​duke kaluar nëpër akademinë e klubit para se të shënonte 672 gola në 778 paraqitje pasi bëri debutimin e tij të parë në 2003.

Fituesi gjashtë herë i Topit të Artë ka qenë zyrtarisht një 'agjent' i lirë që nga 1 korriku pasi ai nuk arriti të pajtohej me kushtet për një rinovim para se kontrata e tij e mëparshme me Barcelonën të skadonte në 30 qershor.

Klubi njoftoi se Messi do të largohej pasi një kontratë e re nuk mund të ndodhte në përputhje me rregullat e 'fair -play' financiar të vendosura nga liga spanjolle La Liga.

“Këtë vit, familja ime dhe unë ishim të bindur se do të qëndronim në shtëpi, kjo është ajo që donim më shumë se gjithçka. Kjo ishte shtëpia jonë. Ne menduam se do të qëndronim në Barcelonë. Por sot, duhet t’i themi lamtumirë. Unë bëra gjithçka që munda. Kam dëgjuar të thuhen gjëra për mua, që nuk doja të vazhdoja, por bëra gjithçka që munda sepse doja të qëndroja. Vitin e kaluar, nuk doja dhe e thashë. Këtë vit, doja të qëndroja, por nuk mundëm.Sinqerisht, kur u zhvilluan zgjedhjet (në mars), unë fola me (presidentin e Barcelonës, Joan) Laporta, kemi ngrënë darkë dhe pas kësaj kam qenë i bindur se do të qëndroj. Kontrata ime nuk ishte kurrë problem. Ajo që di është se kam bërë gjithçka që munda. Klubi thotë se nuk mund të ndodhë për shkak të La Liga-s. Unë ju garantoj se kam bërë gjithçka për të qëndruar,"- tha Messi i përlotur.

I lindur dhe rritur në Argjentinë, Messi u zhvendos në Spanjë për t’iu bashkuar Barcelonës në moshën 13-vjeçare, klub për të cilin bëri debutimin në moshën 17-vjeçare, në vitin 2004. Pjesa tjetër është histori. Ai theu shumë rekorde dhe është golashënuesi më i mirë në historinë e klubit, me 682 gola.