Lufta në Ukrainë përmes fotove: Njerëzit ikin ndërsa kriza humanitare thellohet

Kriza humanitare në Ukrainë po thellohet pasi ushqimi, uji dhe ilaçet po bëhen gjithnjë e më të pakta dhe forcat ruse intensifikojnë sulmet e tyre ndaj qyteteve të mëdha. Në kryeqytetin Kiev, ushtarët dhe vullnetarët kanë ndërtuar qindra pika kontrolli për të mbrojtur qytetin prej afro 4 milionë banorësh, duke përdorur thasë me rërë, goma të grumbulluara dhe kabllo me thumba.

“Çdo shtëpi, çdo rrugë, çdo pikë kontrolli, ne do të luftojmë deri në vdekje nëse është e nevojshme”, tha kryebashkiaku Vitali Klitschko.

Ndërsa ukrainasit u përpoqën të iknin nga Irpin në periferi të Kievit, një oficer policie ukrainas mund të shihej duke vrapuar teksa mbante një fëmijë teksa zhurmat e artilerisë jehonin aty pranë. Pushtimi ka bërë që 1.7 milionë njerëz të largohen nga Ukraina.

Zyrtarët ukrainas akuzuan Moskën për përdorimin e taktikave të "rrethimit mesjetar" në disa vende.

"Korridoret humanitare" në Ukrainë janë hapur nga Chernihiv, Sumy, Kharkiv dhe Mariupol si dhe Kievi, njoftoi të martën agjencia e lajmeve Interfax, duke cituar ministrinë ruse të mbrojtjes. Zëvendëskryeministrja ukrainase Iryna Vereshchuk tha të martën se civilët do të fillojnë të largohen nga Sumy.