Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Mes lotësh Orgesa Zaimi tregon historinë e trishtë: Humba dy njerëzit e dashur brenda javës nga Covid-19

Politiko 23 Janar 2022, 18:05

Mes lotësh Orgesa Zaimi tregon historinë e trishtë: Humba dy

Këngëtarja Orgesa Zaimi ka treguar historinë e saj të trishtë që i ka ndodhur në ditët e para të këtij viti.

Ajo ka rrëfyer se brenda pak javës ka humbur dy njerëzit e saj të dashur. Mes lotësh Orgesa ka treguar se brenda një harku prej pak ditësh ka humbur xhaxhain dhe dajën për shkak të Covid-19. 

“Janari për mua ka nisur shumë trishtueshëm, sepse kam humbur brenda një afati 8 deri në 9 ditë, edhe dajën edhe xhaxhain. Ishte pak e papritur. Daja im ka qenë njeri që bënte shaka, njeri shumë i ditur… Nuk e di ka qenë një dhimbje shumë e madhe. Por sidomos goditjen më të fortë e mora nga xhaxhai im Behari, i cili u nda nga jeta para një jave. Ishte një komplikacion i Covid-it, ai e kishte kaluar në Dhjetor dhe ishte një komplikacion që i solli… vuante nga një problem. Nuk e prisja kurrë dhe ishte goditja e dytë shumë e fortë. Nëse për dajën e prisja sepse ishte i shtruar në spital, për xhaxhin nuk e prisja kurrë. Kam shkuar në Skrapar aty ku jetonte bashkë me bashkëshorten, i vetëm në ato shtëpitë e vjetra, nuk donte të ikte, të largohej. Mu kthye pas e gjithë fëmijëria ime, koha kur argëtohesha me të… Të dy këta kanë qenë një model shumë i fortë në jetën time,” - tregoi Orgesa në emisionin “E ardhmja është vajzë”. 

Ndër të tjera këngëtarja u bën thirrje qytetarëve që të marrin seriozisht Covid-in dhe të vaksinohen:

“Njerëzit mendojnë se nuk ka Covid, apo që nuk është asnjë gjë, por unë në lëkurën, në vuajten e familjes time, sapo e kalova. Them që të bëni kujdes, ta vlerësoni maksimalisht jetën, t’i përqafoni njerëzit sa i keni afër dhe t’u shprehni dashurinë sa jeni afër, sepse nuk e di… pendohem shumë që një përqafim nuk e mora nga të dy në momentin e fundit dhe them që atje ku janë të jenë të paqtë dhe të jenë mirë.”

Të fundit