Flash News

DW: Zgjedhjet parlamentare, provë vendimtare për në BE

Gazment Bardhi me akuza të forta: Terroristë elektoralë të Ballukut po blejnë vota në Fier

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

POLITIKOFF

Meta rrit mbrojtjen për adoleshentët në Instagram, bllokojë transmetimin live

Politiko 8 Prill 2025, 19:24

Meta rrit mbrojtjen për adoleshentët në Instagram, bllokojë
Kompania Meta ka njoftuar masa të reja për të rritur mbrojtjen e adoleshentëve në rrjetet e saj sociale, duke përfshirë bllokimin e funksionit Live në Instagram për të miturit nën 16 vjeç, nëse nuk kanë leje nga prindërit e tyre.

Sipas raportimit të The Guardian, ndryshimet përfshijnë gjithashtu detyrimin për leje prindërore në rastet kur të rinjtë duan të çaktivizojnë funksionin që turbullon automatikisht imazhet me përmbajtje të ndjeshme, siç është lakuriqësia, në mesazhet direkte (DM).

Masa të ngjashme po zbatohen edhe për Facebook dhe Messenger, përmes zgjerimit të ashtuquajturave “llogari të adoleshentëve”, një sistem i lançuar vitin e kaluar. Ky sistem u ofron prindërve kontroll të zgjeruar, si vendosja e kufijve kohorë për përdorimin e aplikacionit, ndalimi i përdorimit gjatë orareve të caktuara, si dhe monitorimi i kontakteve me të cilët fëmijët shkëmbejnë mesazhe.

Fillimisht, këto rregulla të reja për Facebook dhe Messenger do të zbatohen në SHBA, Mbretërinë e Bashkuar, Australi dhe Kanada. Në të gjitha platformat e Metës, përdoruesit nën moshën 16 vjeç nuk do të kenë akses për të ndryshuar cilësimet e privatësisë pa miratimin e prindërve.

Meta raporton se aktualisht 54 milionë përdorues nën moshën 18 vjeç përdorin Instagram në të gjithë botën dhe mbi 90% e përdoruesve nga mosha 13 deri në 15 vjeç kanë ruajtur kufizimet e paracaktuara për mbrojtjen e tyre.

Të fundit