Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Mori pjesë në 63% të golave të Realit, ky është sezoni i Benzema

Politiko 24 Dhjetor 2020, 16:42

Mori pjesë në 63% të golave të Realit, ky

Karim Benzema mban statusin e liderit ofensiv të Real Madridit në muajin e fundit të këtij viti. Francezi ka shënuar 23 gola më 2020. Gjashtë prej tyre kanë ardhur në gjashtë toret e fundit të kryeqytetasve spanjollë. Një gol për ndeshje, mesatarisht. 33-vjeçari e ka tërhequr “makinën e bardhë” në momentet më të vështira. Francezi ka marrë rolin golashënues të Cristiano Ronaldos në Madrid, megjithëse i duhet ende një hap më shumë për ta kompensuar plotësisht yllin portugez; që të jetë golashënuesi më i mirë në La Liga. Sezonin e kaluar iu afrua “Këpucës së Artë” në Spanjë (21 gola, katër larg nga Messi), luftoi për të deri në ndeshjen e fundit. Këtë sezon e arrin Krishtlindjen si i pari në atë klasifikim, me 8 gola, njësoj si Iago Aspas (Celta) dhe Gerard Moreno (Villarreal). Ata janë të barabartë, por merita e Benzema është më e madhe, sepse guron i vetmi që nuk ka shënuar asnjë gol me penallti.

Moreno ka nalizuar 4 herë nga pika e bardhë, ndërsa Aspas 3 herë. Francezi përndiqej gjithmonë nga hija e një mungese të caktuar goli, ndërsa ndikimi i tij në lojë nuk vlerësohej. Tani askush nuk e kundërshton “peshën” e tij. Nga 27 gola që ka Real Madridi në La Liga, këtë sezon; francezi ka marrë pjesë në 17 prej tyre (sipas të dhënave të Opta). Në 8 raste ishte shënuesi, 5 herë tjetër dha pasimin e fundit dhe në 4 të tjerët ai mori pjesë në konkretizim. Kjo do të thotë se është i pranishëm në 63% të golave të ekipit. Numra vërtet mbresëlënës. Benzema u shfaq pas largimit të Cristiano Ronaldos. Ai shënoi 21 gola në sezon, në kampionat. Kështu ai varrosi dyshimet që e rrethonin në Madrid. Benzema është në numrat e sezoneve të tij më të mira në La Liga, në këtë pikë të kampionatit. Vetëm sezonin e kaluar kishte më shumë gola (10). Tri herë të tjera (2015-16, 2014-15 dhe 2013-14) ai kishte nga 8 gola, pas 15 ndeshjesh. Në njërën prej tyre, 2015-16, ai arriti notën më të mirë në kampionat me “Los Blancos”: 24 gola.

Sidoqoftë, në atë rast ishte shumë larg shënuesit më të mire të La Liga-s (Luis Suárez shënoi 40 gola me Barcelonën) dhe ekipit të bardhë (Cristiano shënoi 35 gola). Po ashtu, Messi (26 gola) e tejkaloi atë. Tani nuk e ka konkurrencën e CR7, ndërsa Messi është larg numrave të tij më të mirë. Është momenti i tij për t’u përballur me një sfidë të re: golashënuesi më i mirë i kampionatit spanjoll./Telesport