Mos i neglizhoni, këto këshilla mund të shpëtojnë një jetë

Mendimet për vetëvrasje nuk shfaqen brenda natës. Janë rezultat i një procesi të gjatë të cilët individi i ka grumbulluar për shkak të situatave jo të mira që mund të ketë kaluar, pa u vënë re. Fatkeqësisht, këto procese shpesh nënvlerësohen edhe sepse depresioni nuk ka gjithmonë shenja shumë të dukshme.

Sipas Organizatës Botërore të Shëndetësisë ( OBSH ), një person kryen vetëvrasje çdo 40 sekonda. Është një nga shkaqet më të shpeshta të vdekjes tek njerëzit kryesisht të moshës 15 deri në 44 vjeç dhe prek më shumë meshkujt sesa femrat.

Shenjat që tregojnë se diçka nuk është në rregull janë: 

Dëshira e vogël për të ngrënë dhe humbja e oreksit.
Pak kujdes për pamjen personale.
Duke fjetur shumë gjatë.
Përjetimi i fazave të pagjumësisë së rëndë.
Trishtim ose nervozizëm i shpeshtë.
Të thuash fraza si "Unë dua të vdes" ose "jeta nuk ia vlen të jetohet".
Mungesa e interesit për gjithçka.
Përdorimi i shpeshtë i alkoolit ose drogave të tjera.

Por ka edhe raste të depresionit të fshehur. Simptomat janë shumë delikate dhe nuk janë aspak të lehta për t'u dalluar.
Në këto raste, gjëja më e zakonshme është se këta njerëz kur pyeten për jetën e tyre personale nuk duan të shprehen.

Vetmia inkubon mendime vetëvrasjeje

Nëse dikush fillon të ketë mendime vetëvrasjeje, gjëja më e rëndësishme që duhet të bëni është të mos e lini të qetë. Vetmia vetëm rrit fazën depresive.

Si mund të ndihmoni një person me mendime vetëvrasjeje?

Është e rëndësishme që me mirësjellje ta pyesni këtë person se çfarë ndjen, dhe më e rëndësishmja, të dëgjoni me dhembshuri gjithçka që ai thotë.

Mos gjykoni
Kjo është shumë e rëndësishme. Asgjë që thotë ky person nuk duhet t'i nënshtrohet gjykimit. Nëse do të gjykohej ai do të ndalojë së treguari ato që ndjen.

Mos u trembni
Ajo që personi tjetër ka nevojë është një mbështetje solide, jo një problem shtesë. Ne duhet të ruajmë qetësinë dhe maturinë teksa bisedojmë me ta.

Ndihmoni në vizualizimin e efekteve të vetëvrasjes
Do të ishte mirë ta pyesni këtë person se cilat do të ishin efektet e vetëvrasjes së tij tek të dashurit nëse do të ndodhte. Kjo do ta bëjë të dalë nga 'kafazi' i mendimeve të këqija.

Flisni për problemin ose humbjen
Më shumë se gjetja e zgjidhjeve, gjëja e rëndësishme është t'i lejoni personit të shprehë atë që ndjen.

Përqendrohuni në gjërat pozitive
Bëjeni personin të flasë për të gjitha gjërat pozitive që mbeten ende në jetën e tij, është një nga gjërat kryesore që do ta bëjë të ndryshojë mëndim.

Nxiteni të kërkojë ndihmë. Kjo lloj sjelljeje duhet të trajtohet nga një profesionist. Pa ushtruar presion, njëri duhet të motivojë tjetrin që të shkojë te psikologu ose psikiatri.
Nëse kuptojmë se personi ngurron plotësisht të marrë çdo lloj ndihme dhe duket se është jashtë kontrollit, është koha për të vepruar.

Duhet të drejtoheni te profesionistët dhe të telefononi anëtarët më të afërt të familjes së tij. Asnjëherë mos zgjidhni pasivitetin ose "prisni dhe shikoni se çfarë do të ndodhë", sepse ka një jetë në rrezik.