Moti "zë mat" deputetët/ Spiropali dhe Zhupa të përgatitura, Xhixho e nervozuar

Sot po zhvillohet seanca e radhës në Kuvendin e Shqipërisë ku po diskutohet mbi projektligjin për ratifikimin e memorandumit me SHBA lidhur me vendosjen e kufizimeve të importit të kategorive të materialeve arkeologjike dhe etnologjike të Shqipërisë, miratimi i marrjes së 60 milionë euro kredi për menaxhimin e pandemisë dhe do të kalojë për votim edhe emri i Denar Bibës për të marrë drejtimin e Autoritetit ët Konkurrencës.

Ndërsa dhe moti ka qenë i paqëndrueshëm, disa prej deputeteve janë "kapur mat" pa çadra, si në rastin e deputetit Xhemal Qefalia, i cili ka nxituar të futet në Kuvend pasi nuk kishte çadër as nuk ishte dikush që ta ndihmonte në këtë rast.

Ndërsa ministrja Spiropali duket se ka qenë e përgatitur dhe nuk ka nxituar aspak për të qenë pjesë e mbledhjes, teksa e veshur me një xhup të gjatë gri "puff" dhe me bllokun e saj, është drejtuar drejt Kuvendit.

Ndryshe nga Spiropali, deputetja e PD-së, Ina Zhupa ka preferuar të shoqërohet dhe t`ja mbajnë çadrën teksa e kuqja ka mbizotëruar në zgjedhjen e saj të veshjes.

Nga ana tjetër, Erisa Xhixho duket se është më nervoze, ndërsa stili i saj është shumë i thjeshtë: me gjysmë çizme të thjeshta të zeza dhe me një pallto të zezë treçerekëshe.

Spartak Braho, Benet Beci, Vangjel Dule, Damian Gjiknuri, Eduart Shalsi dhe Ermonela Felaj duket se kanë qenë më më fat sa i takon shiut dhe stili i tyre në këtë seancë ishte "casual" si gjithmonë.

Fotot: Politiko.al