Flash News

Kishte ardhur me pushime në Lezhë, ndërron jetë i riu nga Kosova

Vendi nuk gjen qetësi nga zjarret, përfshihet nga flakët mali në Maliq

Shkrumbohet nga flakët një banesë në Shëngjin

Policia qëllon me armë drejt automjetit ku udhëtonte i riu

Shkrumbohen 4 rulota në Tiranë

POLITIKOFF

"Nder të jem në Shqipëri", Dua Lipa dhe Anwar Hadid fotografohen bashkë në rrugët e Tiranës

Politiko 23 Korrik 2021, 17:28

"Nder të jem në Shqipëri", Dua Lipa dhe Anwar Hadid

Këngëtarja shqiptare me famë botërore, Dua Lipa ka qenë sot e pranishme në kryeqytet, e shoqëruar nga i dashuri i saj, Anwar Hadid.

Dyshja është fotografuar teksa ecnin në rrugët e Tiranës dhe ajo çka bie në sy është përkujdesja që tregon Anwar ndaj partneres së tij. Fotot janë realizuar nga fotografi Florion Gora.

Ndërkohë vetëm pak minuta më parë, Dua ka ndarë në Instagram disa momente nga inspektimi i ndërtimeve të kopshtit "Sunny Hill" në qendrën e qytetit. Ajo ka shprehur mirënjohje për pritjen dhe tha se dyfishoi fondet për mobilimin e gjithë kopshtit të ndërtuar për 300 fëmijë.

"Një nder të jem sot në Tiranë - Shqipëri për të parë punën e ndërtimit për kopshtin "Sunny Hill " në qendër të qytetit. Pas tërmetit në 2019 dhe me gjithë ndihmën tuaj duke blerë bluzat tona "Lutu për Shqipërinë" që krijova me miqtë e mi, unë dyfishova fondet dhe ato para do të shkojnë drejt mobilimit të gjithë këtij kopshti për 300 fëmijë. Jam mirënjohës që jam këtu për këtë sot me familjen dhe miqtë e mi. Faleminderit Kryeministrit Edi Rama dhe Kryetarit të Bashkisë Erion Veliaj për të gjithë ndihmën tuaj gjatë këtij procesi. HAPJA 15 SHTATOR 2021! Faleminderit!", shkruan Dua Lipa në postim.

Kryeministri Edi Rama dhe kreu i Bashkisë, Erjon Veliaj pritën në zyrat e tyre këngëtaret shqiptare, Dua Lipa, duke i dhuruar secili dhurata simbolike. Rama i dhuroi librin me pikturat e tij më të mira, kruse Veliaj i dhuroi një targë me mbishkrimin "Dua 100", një kapele të ‘gruas tironse’ dhe diskun me këngët e Shqipërisë së Mesme.

Të fundit