Ndërron jetë djali i ish-futbollistit Michael Ballack në moshën 18-vjeçare në një aksident me motor

Emilio Ballack, 18 vjeç, thuhet se ka vdekur në një aksident me motor me 4 rrota në Portugali, duke shkaktuar dhimbje shumë të madhe legjendës së ekipit të Chelsea dhe kombëtares së Gjermanisë, ish-futbollistit Michael Ballack dhe familjes së tij.

Djali i ish-mesfushorit të Chelsea-t, Michael Ballack, Emilio thuhet se është vrarë në një aksident tragjik në Portugali. Mediat portugeze raportojnë se tragjedia ndodhi në Troia në jug të Lisbonës, pranë një shtëpie që babai i tij e bleu vite më parë.

Gjermani Michael Ballack konsiderohet gjerësisht si një nga lojtarët më të mirë të atdheut të tij. Ai u bashkua me Chelsea në 2006-ën dhe fitoi tituj në sezonin e tij të parë në klub. Ai u largua nga Stamford Bridge pasi luajti një pjesë të ligës dhe kupës dyshe në 2010.

Emilio postoi fotografi të perëndimit të diellit në një plazh portugez gjatë fundjavës, si dhe një fotografi tjetër të Comporta Beach Club.

Gadishulli Troia, përballë Setubal nga vjen Jose Mourinho, është një nga bregdetet më të bukura të Portugalisë me një shtrirje tetë kilometrash me rërë të pacenuar dhe ujëra kristalorë.

Raportet lokale thanë se aksidenti që rezultoi në humbjen e jetës së djalit të Michael Ballack ndodhi pranë një blloku apartamentesh të njohur si 'Villas do Mar'.

Detajet e aksidentit fatal nuk janë bërë ende publike.

Përpjekjet për ta shpëtuar të riun në vendin e ngjarjes ishin të pasuksesshme dhe ai u shpall i vdekur në vendin ku ndodhi aksidenti.

Trupi i adoleshentit është dërguar në Institutin e Mjekësisë Ligjore në qytetin e Santiago de Cacem në jug të vendit të aksidentit për autopsi.

Burimi: Mirror