Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Ndërron jetë kitaristi i grupit legjendar ABBA, Lasse Wellander

Politiko 10 Prill 2023, 13:33

Ndërron jetë kitaristi i grupit legjendar ABBA, Lasse Wellander

Ka ndërruar jetën në moshën 70-vjeçare kitaristi i grupit legjendar ABBA, Lasse Wellander. I ndjeri vuante nga kanceri metastatik. Lasse ka luajtur me ABBA në vitet 1970 dhe 1980 dhe ka bashkëpunuar në albumin e fundit të grupit suedez, 2021’s Voyage. Në një deklaratë të publikuar nga familja e Lasse thuhet:

"Me pikëllim të papërshkrueshëm duhet të njoftojmë se Lasse ynë i dashur ka ndërruar jetë. Lasse kohët e fundit ishte sëmurë me kancer metastatik dhe ndërroi jetë herët i rrethuar nga të dashurit. Ai ishte një muzikant i mrekullueshëm dhe i përulur, por mbi të gjitha ishte një bashkëshort, baba, vëlla, xhaxha dhe gjysh i mrekullueshëm. I sjellshëm, i sigurt, i dashur dhe shumë më tepër, që nuk mund të përshkruhen me fjalë. Një pikë kthese në jetën tonë dhe është e pabesueshme që tani duhet të jetojmë pa ty. Ne të duam dhe na mungon shumë."

Wellander filloi të luante me kitarë që fëmijë dhe mori pjesë në grupe në zonën ku jetonte në Nora, Suedi. Ai filloi regjistrimin me ABBA, Agnetha Fältskog, Björn Ulvaeus, Benny Andersson dhe Anni-Frid Lyngstad, në tetor 1974, duke u shfaqur në hitet e tyre Intermezzo No.1 dhe Crazy World.

Ndërron jetë kitaristi i grupit legjendar ABBA, Lasse Wellander

Kitaristi mori pjesë në 24 nga regjistrimet e grupit pop dhe u shfaq në të tetë albumet e tyre. Ai vazhdoi të bashkëpunonte me artistë të tjerë suedezë pasi ABBA u shpërbë për herë të parë në 1982. Në vitin 2008, ai mori pjesë në regjistrimin e kolonës zanore për filmin Mamma Mia, me Meryl Streep dhe Amanda Seyfried, në Atlantis Studio në Stokholm.

Ndërron jetë kitaristi i grupit legjendar ABBA, Lasse Wellander

Në vitin 1981, Lasse Wellander publikoi albumin e tij solo dhe në vitet që pasuan ai prodhoi dhe publikoi 11 albume të tjera. Albumi i tij i fundit u publikua në vitin 2006, me titullin ‘Simple Ticket’. Ai gjithashtu publikoi këngët O Come, All Ye Faithfull, Merry-Go-Round dhe Overdrive.

Të fundit