Flash News

POLITIKOFF

Ndërron jetë komediani i njohur George Logan

Ndërron jetë komediani i njohur George Logan

Ka ndërruar jetë në moshën 78-vjeçare George Logan, i njohur për paraqitjen në “Hinge and Bracket”. Performuesi arriti famë duke luajtur Evadne Hinge në një seri shfaqjesh televizive dhe radio në vitet 1970 dhe 80. Komediani i lindur në South Lanarkshire filloi në zhanrin ‘drag’ me shokun e tij komedian Patrick Fyffe në Festivalin e Edinburgut në 1974.

Dy aktorët e humorit u takuan duke performuar në klube në Londër në vitet 1970, përpara se të merreshin nga BBC. Partneri i Logan-it, Patrick Fyffe, i cili luajti Dame Hilda Bracket, ndërroi jetë nga kanceri, në moshën 60-vjeçare, në vitin 2002.

Në librin e vitit 2015, George shpjegoi hyrjen e tij të parë në biznesin e shfaqjes në një bar afër vendit ku jetonte. Përveç, Logan mori pjesë edhe në shfaqje të tjera si “Dear Ladies”, “Dawson and Friends” etj. Komediani i ndjerë lindi më 7 korrik 1944 në Rutherglen, Glasgow duke lënë pas një krijimtari të bujshme. Në vitin 2015, ai shkroi për përvojat e tij të rritjes si një homoseksual në Glasgow të viteve 1960 në librin e tij “A Boy Called Audrey”.

Të fundit