Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

"Ylli prishtinali", The Guardian shkruan për Dua Lipën: Ajo u bë një nga lojtaret kryesore të estradës

Politiko 17 Dhjetor 2020, 20:49

"Ylli prishtinali", The Guardian shkruan për Dua Lipën: Ajo

Në 50 albumet më të mira të vitit 2020, "Future Nostalgia" e Dua Lipës në vendin e dytë

"Ylli prishtinali i pop-club në këtë album energjik i ka një borxh të madh të kaluarës muzikore, por tingëllon në mënyrë magjike,"- e hap artikullin "The Guardian" për albumin 'Future Nostalgia' të Dua Lipës.

Megjithëse 2020-a ka qenë një vit i vështirë për gjithë globin, për Dua Lipën ka qenë një nga vitet më të suksesshëm të karrierës së saj muzikore.

Në 50 albumet më të mira muzikore të vitit 2020, "Future Nostalgia" e Dua Lipës është renditur si albumi numër 2 më i miri. Kjo është një tjetër arritje për këngëtaren shqiptare që tashmë është në kulmin e suksesit të saj në industrinë botërore të muzikës.

"The Guardian" shkruan se për Dua Lipën 2020-a filloi në të njëjtën mënyrë siç po përfundon. Kur ajo publikoi albumin e saj të dytë në prill të 2020-ës, Dua publikoi një video në profilin e saj në Instagram ku edhe u përlot sepse u detyrua të publikonte albumin më parë sesa ishte parashikuar sepse disa hacker-a ia publikuan në rrjetet sociale. Pëveç kësaj, ishin javët e para të mbylljes totale të shteteve dhe asnjë nuk e dinte nëse është momenti i duhur për të publikuar një album në një moment të tillë.

Por në fakt, albumi i saj rezultoi një sukses i jashtëzakonshëm.

"The Guardian" shkruan me superlativa për Duan teksa thekson se 2020-a është viti kur ajo u vendos në të njëjtin nivel me këngëtare shumë të famshme që kanë shumë vite karrierë në muzikë, si Lady Gaga apo Kylie`d Kylie:

"Ajo u bë një nga lojtaret kryesore dhe më emocionuse të estradës. Në fund të nëntorit, më shumë se 5 milionë njerëz u nashkuan në koncertin e saj virtual Studio 2054, ku kishte një bandë, kërcimtarë dhe artistë të ftuar."

"The Guardian" po ashtu thekson dhe momentin ku Lipa u përlot sërish kur mori vesh që është nominuar për 6 çmime Grammy, një sukses i jashtëzakonshëm për këngëtaren e cila ka të njëjtat nominime si Taylor Sëift dhe diçka më pak se Beyonce.

Dua Lipa, një yll në ngjitje e cila po ndriçon botën, po e përmbyll vitin 2020 me shumë arritje, sukses dhe çmime shumë të rëndësishme për karrierën e saj muzikore.

Burimi: The Guardian / Përshtati në shqip: Politiko

Të fundit