Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Nga mjalti e gështenjat te fasulet me mish të thatë, prodhimet e regjistruara për t’u mbrojtur

Politiko 17 Prill 2026, 11:58

Nga mjalti e gështenjat te fasulet me mish të thatë, prodhimet e

Numri i produkteve që janë regjistruar për t’u mbajtur si pjesë e një prej kategorive që njeh ligji ka ardhur në rritje edhe gjatë vitit të shkuar.

Nga mjalti tek vaji i ullirit apo specialitetet tradicionale, janë disa emra që janë raportuar nga Ministria e Bujqësisë dhe Zhvillimit Rural si pjesë e procedurave të regjistruara dhe të njohura edhe ndërkombëtarisht.

Konkretisht në raportin e realizimit të buxhetit të vitit të shkuar thuhet se “gjatë kësaj periudhe nga struktura përgjegjëse në Ministri për skemat e cilësisë së produkteve bujqësore dhe ushqimore, janë realizuar shtatë takime për: vlerësimin e aplikimit për regjistrim me TGJM (Tregues Gjeografik i Mbrojtur), “Mjalti i bedunicës Frashër”, Përmet, Gjirokastër dhe “Gështenja e Pultit”, Shkodër, për të cilat është dërguar mendimi pozitiv në DPPI. Po ashtu janë dhënë dhe “Certifikatat e Cilësisë”, për dy produkte të regjistruara si TGJM: “Molla e Dvoranit”, Korçë dhe “Vaj ulliri Valmi, Elbasan” thuhet në dokument.

Nga ana tjetër ministria shton se janë vlerësuar dhe janë regjistruar dy receta si STG (Specialitet Tradicional i Garantuar) “Fasule Lekbibaj me mish të thatë”, Tropojë, Kukës, si dhe “Jufka Dibre me pulë”, Dibër.

“Janë njohur nga BE dhe vendet anëtare të WIPO-s dy produkte shqiptare të regjistruara si GI(tregues gjeografikë): “Vaj ulliri Valmi, Elbasan”, si dhe “Gështenja e Reçit”.

Rritja e listës së produkteve që mbajnë një prej këtyre kategorive vlerësohet si pozitive për një sërë aspektesh. Së pari janë produkte që garantojnë cilësi dhe për të cilët konsumatorët janë të gatshëm të paguajnë më shumë. Po kështu hapin rrugën për eksport të tyre dhe i mbrojnë nga falsifikimet.

Një tjetër element i rëndësishëm është lidhja me turizmin ku pjesa autentike është ajo që çohet gjithmonë e më shumë nga të huajt që vizitojnë Shqipërinë dhe këto produkte përfaqësojnë pikërisht këtë element.

Pikërisht kulinaria autentike është ajo që merr edhe vlerësimet më të larta në përshtypjet e vizitorëve diçka që ka bërë që agroturizmi si një nga segmentet kryesorë të turizmit të ketë një rritje të qëndrueshme nga viti në vit./ Monitor

Të fundit