Nga "plumbi" deri tek thumbat në distancë, Ardian Bujupi fton Capital T në një sqarim publik

Reperi Capital T ka qenë i ftuar në emisionin e Merion Mjekiqit, “Gjoni Black” ku veç të tjerave, ai foli dhe për raportet me kolegët.

Merioni e ka pyetur Capitalin pse gjuajti shumë fort Ardian Bujupin në "Shiko kush luan" kur u pyet se Cili prej artistëve ka marrë më shumë famë në këngën që ka bërë me ty”.

Reperi tregoi se Capital T është ai që i dha një shtysë Bujupit në tregun shqiptar dhe ky i fundit nuk ka qenë mirënjohës:

“Këtë s’mundet me e mohu as Ardiani, as kurrkush. Eshte artist i mirë, është punëtor, unë e vlerësoj shumë si artist që është. Mirëpo kënga “Andiamo” atë e ka çuar në tjetër nivel në tregun shqiptar. Pastaj ka ndezur dhe jashtë, po them është dhe merita e tij. Edhe ai ka punu në atë projekt. Ka bërë organizimin, klipit, ka punu shumë. Kënga është e tija, unë jam mysafir. Mirëpo këtë s’mundet me e mohu kurrkush. Ka qenë viti 2017, unë kam pas hite një pas një edhe “Andiamo” ka ardh edhe ‘perfect timing’."

I pyetur nga Meriton Mjekiqi nëse Ardiani është mirënjohës ndaj bashkëpunimit, Kapo u shpreh:

“Ardiani është shumë djalë i mirë por fatkeqësisht nuk e ka treguar maksimalisht veten si mirënjohës për këtë bashkëpunim. S’ia ka ditur vlerën aq shumë sa realisht i ka dhënë input në karrierën e tij.

Atë kohë kur ka qenë “Andiamo”, hit më të madh s’ka pas Ardiani. Pas asaj ka bërë këngë të mira, ka bërë hite të tjera. Jo vetëm atij, edhe mua ma ka dhënë një ‘push’, por atij definitivisht ia ka dhënë një ‘push’ më shumë në tregun shqiptar. S’ka qenë duke mbajt aq shumë koncerte, s’ka pas hite në tregun tonë. Ai e ka mbajt atë qëndrimin e vet “Unë jam star-i i Gjermanisë”. Prapëseprap unë s’kam asgjë kundër kësaj, unë jam rrit me disa parime të tjera. Nëse një njeri ma jep dorën, unë jam përjetësisht falenderues para atij. Mendoj që ndoshta Ardiani ka qenë i zënë me projekte, s’i ka kushtu shumë rëndësi kësaj pjese, por kur ta dëgjojë këtë intervistë besoj që kanë për t’u sqaruar gjërat dhe do të jemi ‘cool’. Eshtë artist i mirë, mua më pëlqen, por realiteti duhet me u fol.”

Pas këtyre akuzave, ka reaguar Ardian Bujupi përmes një postimi në Instastory ku i kërkon Capital T të mos flasë pas shpine dhe i kërkon sqarim publikisht:

“Nëse ja nisim me këtë punë vlla, mos fol pas shpine por hyjmë live edhe i shprehim senet, sukseset edhe meritat e kujt kanë qenë këngët etj etj.”

Capital T nuk e ka lënë me kaq dhe i k kthyer përgjigje menjëherë Bujupit, teksa i shkruan se nuk është fol pas shpine por publikisht:

“Mas shpine nuk është në emision live me fol, po është publikisht. S’jam prej atyre që flas mas shpine. Ti nëse don me fol, e flasim qysh dush ti.”

Përgjigja është pasur me një tjetër reagim nga Ardian Bujupi, i cili shkruan:

“Nuk mi the këto fjalë kurrë në fytyrë, nuk e kuptoj planin tënd. Ama shkojna live sonte dhe i shprehim.”

Ende nuk ka një përgjigje nga Capital T për "përballjen live" por ngelet të presim se si do të "sqarohen" dy 'ish-miqtë'.