Nipi 12-vjeçar i Kim Kardashian paralajmëron tezën për North që të mos bëjë më "live"

Mason Disick me sa duket i ka dhenë një mësim të mirë tezës së tij, Kim Kardashian.

Kim Kardashian, ka publikuar mesazhet që ka shkëmbyer me nipin e saj të vogël, pasi North kohët e fundit doli drejtpërdrejt në TikTok pa leje në llogarinë e përbashkët që ndan me nënën e saj.

“Përshëndetje, nuk dua të mos respektoj North, por nuk mendoj se ajo duhet të bëjë më "live" përveç nëse është dikush me të, sepse njerëzit janë gjithmonë duke regjistruar në ekran dhe ajo mund të tregojë informacione që nuk janë të sakta dhe gjëra të tilla, për të cilat do të pendohet ," i shkroi ai në mesazh tezës së tij, Kim-it, që është mamaja e North West.

"Unë bëra të njëjtën gjë si ajo. Do të bëja "live" dhe tani më vjen keq që thashë një nga gjërat që thashë."

“Vetëm në rast sigurie”, shtoi ai.

Kardashian publikoi këto mesazhe me  nipin e saj, teksa shkruante:

"Tani Mason është kaq i pjekur! Dhe mbret i mprehtë."

 

 

Në vitin 2020, kur Disick ishte 10 vjeç, ai u vu në telashe pasi doli drejtpërdrejt në Instagram pa lejen e prindërve të tij, Kourtney Kardashian dhe Scott Disick.

Kardashian iu përgjigj mesazheve të tij me "Unë e vlerësoj që po kujdesesh Mason".

"Dhe jam dakord," i ktheu ajo mesazh. "North u ndje keq dhe nuk mendoj se ajo do ta bëjë përsëri, por mund të jetë mirë nëse flisni me të për këtë."