"Një enigmë e Evropës Jugore"/ Mediat e huaja iu sugjerojnë pushuesve një sërë destinacionesh, mes tyre dhe Shqipëria

Të gjithë njerëzit kanë nisur të planifikojnë pushimet e tyre, pas bllokimit të shkaktuar nga pandemia. Referuar "Globe" mediat e huaja iu kanë sugjeruar pushuesve disa destinacione, mes tyre edhe Shqipërinë.

Kamboxhia

Bëni një pushim shumë të nevojshëm në një nga shumë plazhet me rërë të bardhë të Kamboxhias në Koh Rong, ose nëse po kërkoni të eksploroni historinë drejtohuni në Angkor Wat.

Uruguaj

Uruguaj shpesh neglizhohet nga turistët që udhëtojnë në Amerikën e Jugut. Pavarësisht se është më pak të njohur, Uruguai është një oaz tropikal, i mbushur me pyje që kanë bimët dhe gjallesat më të ralla në tokë.

Shqipëria

Një enigmë e vërtetë e Evropës Jugore, Shqipëria është një thesar i fshehur i historisë dhe shkëlqimit kulturor. Vende të tilla si Kalaja e Rozafës paraqesin monumente nga e kaluara dhe historia.

Kalaja ishte fillimisht një bastion i fortë për Ilirët, një fis indo-evropian nga kohërat antike. Alpet shqiptare ofrojnë një sfidë për të gjithë të apasionuarit, me një terren malor që sigurisht do të mbajë çdo udhëtar aktiv në majë të gishtave.

Jordani

Jordania ka një mori potencialesh për turistët që dëshirojnë të përjetojnë mrekullitë më të mëdha natyrore në botë. Nga dunat e rërës te ujërat e pastra të Detit të Vdekur, ose duke eksploruar civilizimet antike.

Grenada

Grenada është e përkryer për ata që kërkojnë një "humbje" në ishull. Me një peizazh të gjelbër malor, plazhe të bardha dhe ujëvara të larta, Grenada është sekreti më i mirë i Karaibeve, kur bëhet fjalë për parajsat ishullore.

Seychelle

Për ata që dëshirojnë të afrohen nga afër dhe me jetën më ekzotike në planet, mos kërkoni më shumë se Seychelles. Rrethuar nga një mori shkëmbinjsh nënujorë koralesh, plazhesh dhe rezervate natyrore, në të ekziston një pasuri e jetës bimore dhe shtazore që pret të eksplorohet.

Macau

I njohur si Las Vegas i lindjes, Macau është një destinacion që duhet eksploruar. Kazinotë, qendrat tregtare gjigante, përzierja e arkitekturës portugeze dhe kantoneze janë shumë tërheqëse për vizitorët.

Burimi: Euronews