Neslihan Atagül në gjendje të rëndë shëndetësore, detyrohet të tërhiqet nga seriali

Neslihan Atagul është një nga aktoret më të mira turke, e cila në të gjitha rolet e saj ka bërë për vete publikun anembanë botës. Nesli, kryesisht njihet për rolin e saj si Nihan në "Kara Seva" - një serial që theu rekorde shikueshmërie jo vetëm në Turqi po kudo në botë.

Gjatë dy viteve të fundit, aktorja 28-vjeçare po luante në "Sefirin Kizi" (Vajza e Ambasadorit) e cila kishte rolin protagonist si Nare - një grua e fortë që bëri gjithçka për të bijën dhe dashurinë e saj, Sancar Efe-n - një nga aktorët më të mirë turk Engin  Engin Akyürek.

Mirëpo, Neslihan, prej disa kohësh ka probleme shëndetësore. Kjo është vërejtur dhe në peshën e saj e cila ka arritur një peshë shqetësuese prej 45 kilogramësh. Fillimisht u tha se ajo do merrte një raport prej 10 ditësh - ku dhe u shkëput nga shesh-xhirimet në Mugla, mirëpo, pasi u kthye për të nisur xhirimet, gjendja e saj u përkeqësua.

Mjekët, urdhëruan që ajo duhet të kthehej menjëherë në Stamboll pasi gjendja e saj është shumë e rëndë.

Në këto kushte, Neslihan u detyrua t`i jepte lamtumirën rolit të saj si Nare. Përmes një postimi në Instastory, zemërthyer aktorja shkroi:

"Përshëndetje të gjithëve. Është koha t`i them lamtumirë Nares sime të dashur, gruan të cilën e ndjeva deri në qelizat e mia teksa e luaja. Edhe pse unë e tolerova situatën, trupi im nuk e tregoi atë tolerancë ndaj meje. Kështu që më duhet pak pushim. Përshëndes ekipin tim të Sefirin Kizi! Faleminderit ndjekësve dhe audiencës, ju gjithmonë keni treguar një mbështetje të madhe. Sa mirë që jeni! Shihemi së shpejti në histori të tjera????"

Aktorja vuan nga koliti spastik dhe doktorët turq paralajmërojnë se gjendja e Neslihan është shumë serioze.

Përflitet po ashtu nga mediat e huaja se Neslihan Atagul është infektuar dhe me koronavirus por produksioni i "Sefirin Kizi" e ka mohuar një lajm të tillë.

Në këto kushte, produksioni është detyruar të ndryshojë komplet historinë dhe t`i japë fund rolit të Nares - kujdes spoiler: Ajo i braktis të gjithë dhe ikën duke lënë vetëm tre letra. Ky fund që i kanë dhënë protagonistes së serialit ka zhgënjyer pafund fansat të cilët shprehen se një rol i tillë me një forcë të jashtëzakonshme që bëri gjithçka për vajzën dhe dashurinë e saj, nuk e meritonte një fund të tillë.

Në vend të Neslihan do të jetë aktorja Tuba Buyukustun, e cila do luaj krah Engin Akyürek. Dyshja ka luajtur edhe më herët krah njëri-tjetrit në serialin “Kara Para Ask" (Diamante dhe dashuri).