Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Njihuni me qytetet ku drejtimi i makinës kthehet në stres

Politiko 26 Prill 2026, 14:32

Njihuni me qytetet ku drejtimi i makinës kthehet në stres

Një analizë e re mbi lëvizjen urbane në disa nga qytetet më të mëdha të Evropës, SHBA-së dhe Australisë nxjerr në pah se drejtimi i automjetit nuk përjetohet njësoj kudo. Në shumë raste, ajo që duhet të jetë një udhëtim rutinë shndërrohet në një proces të gjatë dhe stresues për shkak të trafikut të rënduar dhe vonesave të vazhdueshme.

Studimi, i realizuar nga “Compare the Market”, ka marrë në shqyrtim një sërë faktorësh si mbingarkesa në trafik, shpejtësia mesatare e lëvizjes, koha e humbur në orët e pikut, dendësia e automjeteve, cilësia e infrastrukturës rrugore dhe siguria në qarkullim. Të dhënat janë përpunuar në një sistem vlerësimi të unifikuar, duke krijuar një renditje të qyteteve sipas nivelit të stresit për drejtuesit e mjeteve.

Në Evropë, qytetet më problematike rezultojnë ato me fluks të lartë automjetesh dhe shpejtësi shumë të ulëta lëvizjeje. Në krye të listës renditet Dublini, ku trafiku i rënduar dhe vonesat e shpeshta e bëjnë qarkullimin të vështirë, me orë të gjata të humbura çdo vit në rrugë. Pas tij vjen Bukureshti, i cili po ashtu përballet me mbingarkesë të konsiderueshme dhe kohë të zgjatura udhëtimi, të ndikuara edhe nga infrastruktura rrugore.

Edhe në SHBA dhe Australi situata paraqitet e ngjashme në disa qytete të mëdha. Në Nashville, trafiku në orët e pikut mbetet një problem i dukshëm, ndërsa në Australi zonat urbane me dendësi të lartë automjetesh regjistrojnë gjithashtu orë të konsiderueshme të humbura në qarkullim.

Në anën tjetër të renditjes, disa qytete evropiane rezultojnë më të menaxhueshme për drejtuesit e mjeteve. Oslo përmendet ndër më të qetat, me trafik më të balancuar dhe më pak orë të humbura në vit, duke ofruar një përvojë më të lehtë lëvizjeje në krahasim me qytetet e mëdha të mbingarkuara.

Të fundit