Flash News

Marrëveshja me Italinë/ Niset anija e parë me emigrantë drejt Shqipërisë

Begaj kthen për rishqyrtim në Kuvend ligjin për “Inspektimin”: Nuk ka konsultim publik

Nën akuzë për shpërdorim detyre, SPAK çon për gjykim ish-kryebashkiakun e Pogradecit

Scholz nga Procesi i Berlinit: Duhet dinamikë e re në normalizimin e marrëdhënieve Kosovë-Serbi

Këlliçi sërish në SHBA, takohet me Lara Trump dhe kongresmenë: PD beson tek Presidenti Trump

POLITIKOFF

“Nuk kishte as dritë”, Elsa Lila kujton burgosjen në Itali: E përdora qelinë si mjet rritjeje psikologjike

Politiko 11 Nëntor 2023, 09:09

“Nuk kishte as dritë”, Elsa Lila kujton burgosjen në

Këngëtarja e njohur Elsa Lila ka rrëfyer përjetimet e saj gjatë kohës kur u arrestua një vit më parë nga policia italiane, nën akuzën e përfshirjes në një rrjet trafikimi të këndëve narkotike.

Duke folur në Podkastin FLASIM me kryeministrin Edi Rama, ajo tregoi se ka qëndruar dy muaj e burgosur, dy javë prej të cilave në izolim, ndërsa fund u lirua si e pafajshme.

Ajo tregoi se vendosi ta përjetonte qelinë si një nga eksperiencat e jashtëzakonshme, dhe ta përdorte si mjet rritjeje psikologjike dhe spirituale dhe jo si mjet auto-shkatërrimi.

“Kam ndenjur 2 muaj, nga këta 2 javë në izolim. Izolim do të thotë izolim, do të thotë një dhomë pa dritare, pa asgjë .Ditët janë shumë të gjata, nuk mbarojnë kurrë.

Nuk kishte as dritë aty brenda, kështu që nuk mund të orientohesha me dritën e diellit, por ama është një eksperiencë kaq e fortë psikologjikisht sa ti nuk je më njëlloj pastaj mbrapa. Ai është një moment kufiri, ku ti duke ditur që je i pafajshëm dhe do dalësh që aty, ose e shfrytëzon atë moment për të medituar fort dhe për të evoluar mendërisht dhe spiritualisht një shkallë më lart, ashtu siç unë kërkoj të bëj gjithmonë ose shkon mbrapsht dhe nuk kthehesh më indietro.

Është një fije peri që e ndan atë moment dhe unë pas 3 ditëve të para që i mbaj mend si nëpër ëndrra sepse nuk kam ngrënë, nuk kam pirë, nuk kam fjetur, nuk jam shtrirë në atë krevat, kam ndenjur në një karrige ulur në atë dhomë, se nuk dua ta quaj qeli, sepse tek e fundit nuk e ka fajin ajo, pse ta quaj qeli.

Tek e fundit, ishte ajo ku unë banova për dy javë dhe u mundova dhe ta dua atë dhomë, që mos të shqetësohesha shumë. Muret ishim me emra, data, me mesazhe, poezi, kishte shumë për të parë nëpër mure dhe për të fantazuar dhe jo vetëm, por nëse përqëndroheshe, kishte shumë energji të lënë aty brenda nga gjithë njerëzit, dhimbjen që kanë përjetuar aty brenda.

E ripërsëris, ngaqë e dija që do dilja shpejt, pasi unë nuk kisha lidhje me atë histori, vendosa që ta përjetoja si një nga eksperiencat e jashtëzakonshme, të çmendura që më kanë ndodhur gjatë jetës dhe ta përdorja si mjet rritjeje psikologjike dhe spirituale dhe jo si mjet auto-shkatërrimi”, u shpreh Lila.

Të fundit