Olta Gixhari flet për partnerin "misterioz" dhe tregon se Armina Mevlani i ka vënë emrin djalit të saj

Aktorja Olta Gixhari, prej një viti jeton në Spanjë me partnerin e saj, me të cilin janë bërë dhe prindër të një djali që e kanë pagëzuar me emrin Amar.

Për shkak të pandemisë dhe pastaj sepse u bë nënë, Olta prej një viti nuk ka qenë në Shqipëri dhe vetëm para pak ditësh ka ardhur. Daljen e parë televizive e ka bërë në "Dua të të bëj të lumtur" dhe pastaj në disa ekrane të tjera.

E ftuar në "Jonida`s Room", Olta ka treguar se në fakt emrin djalit të saj ia ka vënë blogerja Armina Mevlani.

“Amar lindi me dy A tek këmbët e vockla, në taban. Postimi parë i Amarit në Instagram, që unë dhashë lajmin që lindi, ka dy A shumë të qarta. Kush ma tha mua emrin? Kam folur me mikeshat e mia dhe u kam thënë 'më dërgoni lista ose emra që mendoni' dhe një ndër to ishte Armina Mevlani. Armina ishte shumë tek emrat spanjollë dhe midis emrave që më dha ishte Amar. Të nesërmen kthehem prapë po shihja Amar dhe i thashë partnerit tim 'më pëlqen shumë, kam gjithë natën që e mendoj është e çuditshme'. U la me aq biseda dhe kalonin ditët, e unë mbeta tek ky emër."

Por pse nuk e tregon asnjëherë partnerin e saj Olta?

Ajo tha se atij nuk i pëlqen të shfaqet në rrjete sociale dhe se nuk e koncepton këtë gjë, pasi është shumë diskret dhe se dëshiron ta respektojë vendimin e tij.

“Kemi një ndryshim në dukje të parë, por dhe ai thellë-thellë është si unë. Nuk është i fushës së artit. Më pëlqen shumë që ai nuk ma ka ndrydhur këtë pjesën e koketës që kam unë, energjinë, çmenduritë e mia. Është njeri që më jep liri dhe shumë qetësi, sepse nuk bëra kot valixhet gati dhe të ikja. Deri tani jemi shumë rehat me njëri-tjetrin, e plotësojmë shumë mirë njëri-tjetrin”, u shpreh aktorja e cila jetesën e ka zhvendosur në Spanjë me familjen e saj të vogël dhe nuk e mendon kthimin në Shqipëri.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm