Flash News

Aksident në Durrës, makinë përplas skuterin me dy 13-vjeçarë

Atentati në Lundër/ Gjendet motomjet i djegur që dyshohet se u përdor nga autorët

Ra nga lartësia në kantierin e aeroportit të Vlorës, humb jetën punëtori

SPAK lëshon 3 urdhër arreste për shefin e qarkullimit Rrugor në Tiranë dhe 2 zyrtarë të tjerë të policisë

Atentati ndaj 4 të rinjve në Lundër, plumbat prekën edhe një “Ford”

POLITIKOFF

Jozi reagon pasi goditi Gjestin: U provokova

Politiko 19 Prill 2025, 21:05

Jozi reagon pasi goditi Gjestin: U provokova

Pas largimit të bujshëm nga shtëpia e “Big Brother VIP Albania”, këngëtari Jozefin Marku ka thyer heshtjen me një reagim të gjatë në rrjete sociale. Ai ka falënderuar publikun për mbështetjen dhe ka dhënë versionin e tij për incidentin që çoi në përjashtimin nga formati.

“Kam heshtur edhe kur më kanë lënduar rëndë. Por edhe heshtja ka një kufi,” shkruan Jozefi, duke nënkuptuar se situata e krijuar brenda shtëpisë ka qenë përtej durimit të tij. Ai tha se është ndjerë i provokuar në disa raste, por ka zgjedhur të mos luajë rolin e viktimës.

Reagimi i tij vjen pas debateve të ashpra që u transmetuan gjatë javës së fundit në BBVA, të cilat kulmuan me një deklaratë të cilësuar si e papërshtatshme nga produksioni, duke sjellë përjashtimin e menjëhershëm të këngëtarit.

Jozefi e cilësoi eksperiencën në “Big Brother” si një periudhë të veçantë në jetën e tij, ndërsa nuk nguroi të falënderojë stafin e Top Channel për mundësinë dhe audiencën që e përkrahu gjatë qëndrimit në shtëpi.

“Përshëndetje të gjithëve, uroj te jeni mirë! Dua të falënderoj nga zemra të gjithë popullin shqiptar që më keni mbështetur dhe përkrahur në këtë rrugëtim aspak të lehtë që kalova.

Faleminderit për dashurinë që më dhatë gjatë qëndrimit tim në shtëpi dhe edhe më shumë, jashtë saj.

Mirënjohje për secilin prej jush, si dhe për ekipin e Top Channel, që më dha mundësinë të isha pjesë e këtij formati kaq të dashur për të gjithë ne – një eksperience që do mbetet e paharrueshme në jetën time. U futa në Big Brother dhe zgjodha të luaj fort. Të paktë ishin ata që kuptuan lojën dhe vërtetësinë time.

Zgjodha të isha i sinqertë, i drejtpërdrejte, pa filtra – dhe ndoshta pikërisht kjo më kushtoi në këtë rrugëtim.

Ndjesë për këdo që mund ta ketë përjetuar keq atë qe ndodhi. Por ju siguroj se presioni, veprat dhe ngacmimet kanë qenë të shumta gjatë gjithë rrugëtimit tim kundrejt meje në atë shtëpi.

Jam provokuar, por në asnjë moment nuk kam zgjedhur të luaj rolin e viktimës.

Edhe kur fjalët dhe veprimet e rënda më kanë lënduar thellë, kam heshtur, kam duruar… por edhe durimi ka një kufi. Për të gjithë ata që përpiqen të hedhin baltë mbi imazhin tim, kam vetëm një fjalë: “Balta që vjen nga llumi, nuk të bën pis“, thuhet në reagimin e Jozit.

Të fundit