Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

POLITIKOFF

"Pak Pakt", komedia e zezë që trajton problematikat e shoqërisë sonë

Politiko 7 Nëntor 2022, 15:23

"Pak Pakt", komedia e zezë që trajton problematikat e

“Pak Pakt” është një vepër e re bashkëkohore, një komedi e zezë që është rikthyer në skenë, por kësaj radhe do të jepet në disa teatro nëpër Shqipëri.

Vepra e autorit Ledian Gjeçi është fituese e çmimit të parë në zhanrin dramaturgji nga Qendra Kombëtare e Librit dhe Leximit për vitin 2021. Regjisori Ledian Gjeçi rolet në vepër ia ka besuar aktorëve të njohur por dhe të rinjve. Në role janë Ermir Hoxha, Xhuliano Brisku, Mehmet Xhelili, Ledjon Zoi, Erjon Hinaj, Gëzim Rudi, Alba Shtëmbari dhe Margent Caushi. ipas tij si autor, në këtë vepër trajtohet një problematikë e shoqërisë sonë.

“Veprën “Pak Pakt” e kam shkruar në vitin 2020. Ky projekt trajton dramën e ikjes së rinisë, e braktisjes së vendit për një jetë më të mirë, e cila është një problematikë e thekshme e shoqërisë tonë. Një hemoragji, që s’ka të ndalur. Dhe në këtë vepër, si për ironi, kjo dramë trajtohet në mënyrë komike dhe argëtuese”, ka thënë mes të tjerave Gjeçi kur kjo vepër ishte premierë në Tiranë.

Në 2021 Ledian Gjeçi me dramën “Pak Pakt” u shpall fitues nga Qendra Kombëtare e Librit dhe Leximit (QKLL), si autor i një vepre të mirërealizuar në të gjithë komponentët e saj. “Tematikë e mprehtë, ndërtim solid karakteresh, konflikt i thekshën dramatik”, thuhej në vlerësim. Veprat e autorit Ledian Gjeçi janë vënë edhe në skena të qyteteve të tjera. Përmendim veprën në vitin 2017 me titull "Në dorë të fatit". Vepra erdhi në skenën teatrore në Vlorë nga regjisori Arben Kumbaro. Si autor Ledian Gjeçi aktivitetin e tij e ka edhe në serial apo dhe në vepra të ndryshme teatrore për fëmijë.

Vepër që do ti flasë shqiptarëve

Kjo shfaqje teatri do ti flasë shqiptarëve shqip dhe qartë. Vepra bën fjalë për dy djem shqiptar të shkolluar mirë, por thellësisht të varfër e të mbytur në borxhe, të cilët i kap policia në flagrancë duke tentuar të ikin jashtë shtetit në mënyrë ilegale. Shpresa e tyre e vetme për një jetë më të mirë shkatërrohet totalisht. Por, vjen dikush dhe iu ofron djemve një pakt me të cilin ata mund të dalin nga burgu dhe mund të përfitojnë dokumente në çdo shtet europian, vetëm nëse deklarojnë publikisht sikur janë homoseksual…Sipas institucionit gjatë ndërtimit të veprës është punuar me kujdes, që të mos cenohet asnjë grupim racor, gjinor apo orientim seksual. “Por sigurisht, duke ruajtur ekuilibrin e konfliktit që lyp dramaturgjia me palët pro dhe kundër”, thuhet për shfaqjen. Me autor dhe regjisor Ledian Gjeçin, kostumografe në shfaqje Sofi Kara, skenograf Beqo Nanaj dhe kompozitor Jetmir Mehmeti.