Pamje të rënda, Johnny Depp dëshmon sërish: Humba gishtin pasi Heard më gjuajti me shishe xhami

*Kujdes, ky artikull përmban pamje të rënda

Sot është dita e gjashtë e seancës gjyqësore të dy ish-bashkëshortëve "Johnny Depp-Amber Heard". Kujtojmë se aktori ka hedhur ish-gruan në gjyq për shpfje, pasi kjo e fundit pretendohet se ka përfituar nga Depp dhe ka ndikuar në prishjen e reputacionit të tij.  Në seancën e sotme, aktori po dëshmon sërish. Momentalisht, po diskutohet çështja famëkeqe e çiftit në Australi në vitin 2015, që tashmë është shfaqur disa herë gjatë gjithë gjyqit.

Depp po xhironte për "Pirates Of The Caribbean 5" në atë kohë dhe Heard udhëtoi në Australi për të kaluar kohë me të. Heard ka pohuar më parë se Depp ka qenë abuzues gjatë këtij udhëtimi dhe e ka përshkruar atë si një "situatë peng tre ditore".

Udhëtimi u zhvillua pak pasi ish-çifti u martua. Depp thotë se Heard ishte i mërzitur për diskutimet e marrëveshjeve paramartesore dhe marrëveshjeve pas martesës. Shtëpia me qira në Australi ishte e madhe, pak "labirint", thotë Depp në gjykatë. Ai thotë se mendon se përfundoi duke u mbyllur në "të paktën nëntë dhoma gjumi, banja" atë ditë, "ndërsa ajo po përplaste dyert, duke bërtitur dhe sharë".

Depp thotë se një herë ajo po i përplaste një derë dhe më pas u ndal dhe ai e dëgjoi të largohej. "U bë shumë emocionuese," thotë ai.

"Gjithçka po bëhej shumë e çmendur," vazhdon ai. Aktori thotë se zbriti poshtë, ku ka qenë një lokal. “Isha një rrëmujë, isha një rrënim”. Ai thotë se shkoi pas lokalit dhe rrëmbeu një shishe vodka dhe i ktheu dy ose tre gota "të forta".

Heard e gjeti atë në lokal dhe "natyrisht filloi të bërtiste... 'përbindësh', dhe të gjitha këto".

Depp thotë se Heard e mori shishen dhe e hodhi mbi të, dhe shishja u thye pas kokës së aktorit. Ai tregon se shkoi tek bari dhe mori një shishe më të madhe vodka dhe i mbushi vetes një gotë, thotë ai, teksa Heard po e fyente. Ajo më pas kapi shishen e dytë dhe përplasi atij, thotë Depp në gjykatë.

Shishja u thye, thotë ai, duke shtuar se "nuk ndjeu asnjë dhimbje" në fillim. Vetëm nxehtësi. Ai thotë se më pas shikoi poshtë dhe kuptoi se maja e gishtit i ishte prerë. "Unë po shikoja drejtpërdrejt në kockën time ... duke dalë jashtë ... gjaku po derdhej".

Aktori i thotë jurisë se nuk e di se si ndihet një krizë nervore, "por ndoshta ky është më i afërti që kam pasur ndonjëherë". I pyetur se cili gisht, ai i thotë gjykatës se "është ai që duket qesharak", duke mbajtur dorën e djathtë lart.

“Dukej si Vezuvi”, thotë ai. Aktori tregon se në spital gënjeu se kush Heard ishte fajtore pasi ai nuk donte që ta fuste atë në telashe.

"Çfarë tha Amber Heard kur pa dëmtimin", pyetet Johnny Depp. Ai thotë se përgjigja e saj ishte si "zhurmë e bardhë... fjalë të ngatërruara për mua në një frekuencë shumë të lartë". Depp thotë se ai vetë  ishte në shok. Aktori thotë se shkoi në një apartament ku ndodhej një nga rojet e tij të sigurisë dhe u përpoq t'i pastronte dorën. Dikush i tha se duhej të gjenin majën e gishtit dhe të shkonin te mjeku, thotë ai. Më pas ata shkuan në dhomën e urgjencës, por kur u pyet nga mjeku se çfarë kishte ndodhur, Depp thotë se gënjeu dhe i tha se e kishte bllokuar atë në një derë fizarmonike.

"Nuk doja të zbuloja se ishte... çfarë ishte... Nuk doja të zbuloja se kishte qenë Heard... Nuk doja ta fusja në telashe," thotë Depp. .

Aktori tha se i ka treguar mjekut të tij privat, dëshmitarit të mëparshëm Dr. David Kipper, se çfarë ndodhi në të vërtetë.

Aktori ka dhënë detaje të tjera tronditëse. Ai thotë se Amber Heradi kishte marrë atij cigaren dhe ja kishte fikur në fytyrë (mund ta shihni në foton e mëposhtme, tek pika jeshile që duket në fytyrën e Depp.)

Kujdes: Kontent i rëndë

Më poshtë, është fotoja që është marrë si provë për këtë çështje) e gishtit të prerë të Johnny Depp.

Aktori ka treguar se ai ka humbur pjesën më të madhe të gishtit dhe ka bërë një transplant lëkure.