Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Papa Françesku thotë se zgjedhja e kafshëve shtëpiake në vend të fëmijëve është egoiste

Politiko 6 Janar 2022, 15:57

Papa Françesku thotë se zgjedhja e kafshëve shtëpiake

Papa Françesku ka sugjeruar se njerëzit që zgjedhin të kenë kafshë shtëpiake në vend të fëmijëve, sillen me egoizëm. Komentet e Papës erdhën teksa ai po diskutonte për prindërimin gjatë një auditori të përgjithshëm në Vatikan në Romë.

"Sot... ne shohim një formë egoizmi," i tha ai audiencës. “Ne shohim që disa njerëz nuk duan të kenë fëmijë."

“Ndonjëherë ata kanë një dhe kaq, por kanë qen dhe mace që zënë vendin e fëmijëve. Kjo mund t'i bëjë njerëzit të qeshin, por është një realitet."

Praktika “është një mohim i atësisë dhe amësisë dhe na pakëson, na heq njerëzimin”, shtoi ai.

Papa Françesku tha se njerëzit që nuk janë në gjendje të kenë fëmijë për arsye biologjike duhet të mendojnë për birësimin, duke u bërë thirrje njerëzve "të mos kenë frikë".

Ai foli gjithashtu për një "dimër demografik" - ndoshta duke iu referuar vendeve me lindje në rënie - në të cilin "ne shohim se njerëzit nuk duan të kenë fëmijë, ose vetëm një dhe jo më shumë".

Nuk është hera e parë që Papa Françesku vë në shënjestër njerëzit që zgjedhin kafshët shtëpiake në vend të fëmijëve. Në vitin 2014, ai tha se të kesh kafshë shtëpiake në vend të fëmijëve ishte "një fenomen tjetër i degradimit kulturor" dhe se marrëdhëniet emocionale me kafshët shtëpiake ishin "më të lehta" sesa marrëdhëniet "komplekse" midis prindërve dhe fëmijëve.

Papa është fotografuar në të kaluarën duke përkëdhelur kafshë duke filluar nga qentë tek panterat, por ai nuk mendohet të ketë një kafshë shtëpiake. Vizita e tij e vitit 2015 në Shtetet e Bashkuara u shënua nga pronarët e qenve që i veshin kafshët shtëpiake me veshje papale me hashtag #popedog në Instagram.

E pyetur në atë kohë nëse Papa ishte në dijeni të trendit, një zëdhënëse e Vatikanit tha: "Unë imagjinoj se ai ka gjëra më të rëndësishme për të menduar."

Të fundit