Paris Hilton merr propozimin e katërt për martesë

Dje (17 shkurt 2021) trashëgimtarja Paris Hilton ka festuar ditëlindjen e 40-të të saj. Hilton është surprizuar dje me një propozim për martesë nga i dashuri i saj Carter Reum.

Propozimi i erdhi gjatë festës së ditëlindjes, e cila u organizua në një ishull privat. 

"Kur gjen shpirtin tënd binjak ti jo thjesht e di, por e ndjen. Unë dhe ai kemi qenë bashkë që prej takimit të parë dhe për ditëlindjen time ai organizoi një udhëtim në këtë parajsë tropikale. Teksa shkonim për të ngrënë darkë buzë detit, ai u ul në gjunjë dhe më propozoi. Sigurisht që thashë po! S’ka asnjë tjetër me të cilin do të doja të jetoja përgjithmonë”, shkroi Paris Hilton krahas postimit në Instagram.

Ky është personi i katërt që i propozon martesë Paris Hilton. Më parë, asaj i ka propozuar modeli Jason Shaw në 2002-in, Paris Latsis në 2005-ën dhe aktori Chris Zylka në 2018-ën.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm