Flash News

“Doja ta bëja…”, zbardhet dëshmia e shiptarit që vrau ish-gruan në Itali

Përplasen dy automjete në Korçë, një i plagosur

Foto/ Nënë e dy fëmijëve, kush është shqiptarja që u vra me thikë, ishte divorcuar para 3 vitesh nga autori

Itali/ 45-vjeçarja shqiptare vritet me thikë nga ish-bashkëshorti

Posta e mëngjesit/ Me 2 rreshta: Çfarë pati rëndësi dje në Shqipëri

POLITIKOFF

Pas vetëvrasjes së 41-vjeçares, Arbana Osmani thirrje Ramës: Mbyll Tik Tok-un!

Politiko 5 Janar 2024, 19:18

Pas vetëvrasjes së 41-vjeçares, Arbana Osmani thirrje

Një 41-vjeçare i dha fund jetës me fotoksinë, pas bullizimit në Tik-Tok. Ngjarja ka shkaktuar reagimin e opinionit publik, ndërsa është paralajmëruar edhe një protestë.

Mes zërave të indinjuar ishte dhe ai i moderatores Arbana Omani e cila i ka bërë thirrje publike Edi Ramës që të mbyllë platformën e Tik Tok.

Përdoruesit e papërgjegjshem të internetit, Osmani i konsideron “vrasës” të kohëve moderne.

“Tmerr, vrasësit e kohëve moderne kanë “armë”, tastierat, por janë gjithmonë vrasës. Mbylleni këtë dreq Tik Toku. Tani!”, shkruan Osmani, krahas lajmit duket etiketuar kreun e qeverisë, Edi Rama.

Pas vetëvrasjes së 41-vjeçares, Arbana Osmani thirrje

Burime nga policia e Durrësit, thanë se 41-vjeҫarja kishte denoncuar rreth një vit më parë në polici, se persona të paidentifikuar i kishin hapur adresë fallco me identitetin e saj dhe e përdornin për ta bullizuar.

Sipas policisë, ajo ishte shumë e shqetësuar për këtë situatë në të cilën ndodhej.

Mësohet se në datën 2 janar, Bedrie Loka nënë e tre fëmijëve i dha fund jetës duke pirë fostoksinë. 41-vjeҫarja nga Vadardha Sukth, ishte punonjëse në një kompani fasonerie në zonën e Fllakës. Dyshohet se kanë qenë koleget e saja që kanë hapur adresën në rrjetet sociale, për ta denigruar.

Aktualisht po merret në pyetje i gjithë personeli, me qëllimin të zbulohet se kush e hapi adresën fallco.

Materialet në lidhje me veprën e dyshuar penale “shkaktim vetëvrasjeje” do t’i kalojnë Prokurorisë për hetime të mëtejshme.

Të fundit