POLITIKOFF

Pasi vodhën makinën, historia prekëse e asaj që ngiste prek hajdutët: Edhe ne kemi zemër

Pasi vodhën makinën, historia prekëse e asaj që ngiste prek

Një ngjarje e pazakontë ka ndodhur në Itali, ku disa hajdutë kanë kthyer makinën që kanë vjedhur sepse janë ndjerë keq.

Ndjesia e fajit ka ardhur pas një postimi në rrjetet sociale që e ka bërëe bija e personit që i është vjedhur makina.

 “Ajo makinë përfaqëson krahët e saj, këmbët. Është mjeti i vetëm i lirisë”, shkruante vajza, pasi nënës së saj që vuan nga një sklerozë multiple (e shumëfishtë) i vodhën makinën në spitalin e Di Venere di Carbonara më 13 janar.

Postimi u  bë viral dhe shpërnda gjerësisht në rrjetet sociale dhe siç duket ky postim ka rënë dhe në sytë e hajdutëve të cilët kanë kthyer makinën.

Hajdutët e lanë makinën pranë një vile në Valenzano dhe brenda saj kishte dhe një pusullë të shkruar prej tyre:

“Edhe ne kemi një zemër. Të na falni, por nuk e dinim për sëmundjen tuaj. Ju kërkojmë ndjesë. Hajdutët”.

Ditari politik

Të fundit