Përmes fotove/ Tifozeria holandeze disa orë para finales

Tifozët e Feyenoord kanë pritur me padurim ndeshjen e mbrëmjes se sotme mes festimeve në pedonalen e  qytetit ku kanë kërcyer e këndojnë që nga mëngjesi.

Ata kanë krijuar një atmosferë të zjarrtë në pritje të ndeshjes së madhe mes Romës dhe Feyenoord në stadiumin “Air Albania” në kuadër të finales së Conference League.

Ndryshe nga ajo çfarë ndodhi mbrëmjen e shkuar, tifozët holandezë po i  dhurojnë sot Tiranës atmosferë të këndshme ku po kërcejnë e këndojnë teksa konsumojnë pije të ndryshme.  Ndërsa ata që kanë bileta kanë shkuar në stadium, tifozë të tjerë të cilët nuk kanë pasur fatin të kenë biletën, vijojnë të jenë tek pedonalja, ku do të shohin të gjithë bashkë ndeshjen e sotme që do të nisë vetëm pas pak.