Flash News

Rama mori 84 mandate, ambasadori i BE: Të zbatojë reformat, nuk ka kujt t’ia hedhë fajin

Mbi një tip të ri të shtetit elektoral dhe një shteg të daljes prej regjimeve të tij

Nuk siguroi mandatin e deputetit, flet Alimehmeti: Sistemi elektoral duhet fshirë, prodhoi garë të brendshme

Votat e diasporës, mbyllet procesi i numërimit për subjektet politike në 12 qarqe

Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

POLITIKOFF

Pier Silvio Berlusconi i revoltuar me 'Grande Fratello VIP', ndalon ritransmetimin e programit

Politiko 5 Mars 2023, 15:23

Pier Silvio Berlusconi i revoltuar me 'Grande Fratello VIP', ndalon

Vendim drastik nga Pier Silvio Berlusconi, i cili bëri disa ndryshime në programacionin e La5. Kanali i Mediaset duhej të jepte mbrëmë ritransmetimim e episodit të fundit të "Grande Fratello VIP" (a.k.a Big Brother Vip), por ai u zëvendësua me një film.  

Sipas asaj që shkruan "Il Fatto Quotidiano", duket se Pier është mërzitur shumë nga puntata e fundit e reality show-t, për shkak të toneve vulgare dhe sharjeve të shumta të përdorura live. Një vulgaritet i tepruar që çoi në vendimin për anulimin e ritransmetimit. Djali i Berlusconit e ka parë vetë episodin e plotë, duke e konsideruar atë të papërshtatshëm për transmetim për shkak të mungesës së respektit ndaj audiencës në shtëpi.

Sakaq, nuk ka asnjë përgjigje për momentin nga Alfonso Signorini, prezantues dhe autor i reality show-t, i cili do të përfundojë pas rreth një muaji. 

Në fakt, gjatë episodit të 3 marsit, shumë prej ndjekësve të formatit kritikuan banorët për gjuhën e papërshtatshme dhe tonet e nxehta, që shkaktuan edhe ndërhyrjen e vetë Signorinit i cili paralajmëroi se do të merrte masa serioze nëse nuk ndryshonin regjistrin. Por, kjo nuk e qetësoi situatën dhe ai u detyrua të ndërpriste transmetimin live. 

Megjithatë, mediat italiane shkruajnë se zemërimi i Berlusconi nuk lidhet me Signorinin, i cili nga ana tjetër u vlerësua për mënyrën se si menaxhoi situatën. 

Ky rast ka habitur shumë mediat e njerëzit në Itali, sepse nuk ka ndodhur më parë.

Të fundit