Pozoi në kopertinën e "Vogue", pse po kritikohet Kamala Harris

Kamala Harris -  zëvendëspresidentja e parë aziatiko-amerikane në SHBA, zëvendëspresidentja e parë më ngjyrë dhe zëvendëspresidentja e parë grua - ka pozuar për kopertinën e revistës "Vogue".

Por në fakt, nuk është pritur dhe aq mirë. Si një figurë e rëndësishme e politikës, njerëzit kishin pritshmëri të larta për kopertinën e saj për revistën që njihet si më prestigjiozja në modë.

Kamala Harris do të jetë në kopertinën e muajit shkurt dhe nisur nga kjo, Vogue publikoi dy foto të setit fotografik dhe menjëherë njerëzit shpërthyen me kritika.

Një nga komentet në Twitter është:

"Ju e dini se është gruaja më e fuqishme në historinë e politikës, apo jo? Çfarë dreqin po bëni? Sa shumë punë u desh për këtë? Turp për ju.”

Një tjetër koment:

“Supozohet se ju dini shumë gjëra për modën dhe vendosët të publikonit foton në të majtë?”

Dhe vazhdojnë komentet me:

“Unë dhe telefoni im mund të kishim bërë një punë shumë herë më të hajrit."

Wajahat Ali që bashkëpunon me New York Times "sulmon" kryeredaktorën e revistës, duke pretenduar se në foto kanë zbardhur Kamala-n:

"Çfarë rrëmuje. Anna wintour - kryeredaktorja e Vogue - me të vërtetë nuk do të ketë kolegë dhe miq me ngjyrë.”