Preferonte të vishej dhe ndihej si çun, Shiloh Pitt merr gjithë vëmendjen në tapetin e kuq

Angelina Jolie ka parakaluar në tapetin e kuq bashkë me gjashtë fëmijët e saj në premierën e “Eternals”.

Ndonëse shumë personazhe të 'Hollywood-it' nuk preferojnë të ekspozojnë fëmijët e tyre, Angelina Jolie ka dalë publikisht me fëmijët e saj herë pas here.

Por, paraqitjet në tapetin e kuq kanë qenë ende një gjë e rrallë për të.

Kësaj radhe, vëmendjen e ka marrë vajza e parë biologjike e Jolie dhe Brad, Shiloh, e cila u shfaq e veshur me fustan dhe si një zonjushë e vërtetë - gjë të cilën publiku nuk është mësuar ta shohë shpesh.

15-vjeçarja ishte veshur me një fustan të frymëzuar nga fustani ngjyrë bezhë i Angelina në “Emmy Awards 1998”. Veshja mahnitëse e adoleshentes kishte një çarje të gjerë në këmbën e djathtë, duke shtuar më shumë elegancë në pamje. Ndërsa ajo dukej e mrekullueshëm, shumë fansa u mahnitën nga sa e ndryshme ajo duket tani në krahasim me fotografitë e saj të mëparshme.

Shiloh, e cila është fëmija i parë biologjik i Angelina dhe Brad, ka qenë shpesh në vëmendjen e fansave të ish-çiftit.  Shumë kanë diskutuar sensin e modës të Shiloh, e cila shpesh mbante rroba më androgjene si një fëmijë i ri.

Shiloh preferonte t`i mbante flokët e shkurtër dhe të vishej me kostume në paraqitjet e saj në tapetin e kuq me nënën dhe babanë e saj.

Angelina i tha 'Vanity Fair' në një intervistë të vitit 2010 se vajza e saj ka eksploruar gjininë që në moshën tre vjeçare. "Ajo dëshiron të jetë një djalë, kështu që ne duhej t'i shkurtonim flokët. Asaj i pëlqen të veshë rroba djali,"- tha asokohe aktorja.

Me kalimin e viteve, Shiloh gjithmonë inkurajohej nga prindërit e saj që të vishej ashtu siç ajo dëshironte. Shpesh si fëmijë, ne e kemi parë atë të vishej si djalë.

Sidoqoftë, ndjenja e Shiloh për veten dhe stilin ka evoluar shumë në vitin 2021. Ajo theu internetin në fillim të vitit pasi u fotografua me pantallona të shkurtër xhins dhe një hoodie të zezë.