Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Princ Harry dhe Meghan Markle thumbojnë familjen mbretërore

Politiko 7 Dhjetor 2022, 14:15

Princ Harry dhe Meghan Markle thumbojnë familjen mbretërore

Princi Harry dhe Meghan Markle folën për fshirjen e "mureve më të fuqishme të shtypjes dhe rezistencës" teksa morën pjesë në 'Ripple of Hope Awards'. Duka dhe Dukesha e Sussex-it iu bashkuan Presidentit ukrainas Volodymyr Zelensky, Bill Russell, Michael Polsky, Brian Moynihan dhe Frank Baker si "liderë shembullorë në të gjithë qeverinë, biznesin, avokatinë dhe botën e argëtimit, të cilët kanë demonstruar një përkushtim të palëkundur ndaj ndryshimeve shoqërore dhe kanë punuar për të mbrojtur dhe avancuar barazinë, drejtësinë dhe të drejtat e njeriut”, sipas faqes së çmimeve.

Kerry Kennedy - e cila u dha atyre një çmim - foli me superlativa për çiftin dhe zbuloi se 'Fondacioni RFK' po ua dorëzonte çmimin për 'luftën ndaj racizmit brenda familjes mbretërore'. Gjë që me siguri nuk i ka pëlqyer aspak familjes mbretërore.

Markle kujtoi presidentin Robert F. Kennedy, duke thënë: “Ëndrra e RFK-së për një botë të drejtë dhe paqësore është shumë më tepër se një shpresë e thjeshtë. Është një kërkesë e drejtpërdrejtë, një sfidë specifike, një thirrje për veprim, një provë e guximit individual dhe shpirtit kolektiv. Dhe apeli i tij për njerëzimin është po aq i rëndësishëm sot sa ishte në vitin 1966, kur ai qëndroi para Universitetit të Cape Town, një vend që e kemi vizituar dhe e mbajmë afër zemrave tona. Dhe ai dha një vizion për të mirën e përbashkët të shoqërisë.”

Harry, 38 vjeç, shtoi, "Bobbi Kenedi tha: "Sa herë që një njeri ngrihet për një ideal ose vepron për të përmirësuar gjendjen e të tjerëve ose sulmon padrejtësinë, ai dërgon një valë të vogël shprese".

Meghan shtoi: "Ai tha gjithashtu se ato valëzime ndërtojnë një rrymë që mund të rrënojë muret më të fuqishme të shtypjes dhe rezistencës."

Të fundit