Princesha e vogël Geraldinë në faqen e revistës së famshme franceze “Paris Match”

“Princesha e vogël Geraldine pozon për revistën shqiptare”, ishte ky titulli i revistës së njohur franceze “Paris Match” që ka publikuar gjithashtu fotot e Princit Leka II dhe Princeshës Elia së bashku me vajzën e tyre, shkruan gazeta zvicereane në shqip “Le Canton27.ch”.

Në një interviste të gjatë të Princit Leka II dhe gruas së tij Princeshës Elia, për “Revista Who”, janë publikuar edhe fotot e para të vajzës së tyre, Princeshës së vogël Geraldine.

E gjitha e veshur me rozë, ulur në prehrin e nënës së saj, Princesha e vogël Geraldinë e Shqipërisë shikon lenten e çuditur.

Kjo intervistë nuk mbaron me kaq, pasi intervista e gazetares Iva Tiço me pretendentin e fronit të Shqipërisë dhe gruan e tij, është e mbushur me shumë fotografi të tjera. Vajza e tyre, lindi më 22 tetor 2020.

Që kur lindi gati katër muaj më parë, princesha e vogël Geraldinë,e cila mban emrin e parë të gjyshes së saj të madhe, Mbretëresha Geraldinë, tashmë kishte zbuluar fytyrën e saj, në dy raste, njëra prej të cilave në llogarinë e "Instagram" të babait të saj.

Princi Leka II ka postuar foto që e tregojnë atë me gruan dhe foshnjën e tyre, për të shoqëruar urimet e tij për Krishtlindje dhe Vitin e Ri. Ai gjatë intervistës u shpreh se: “Personalisht, unë nuk jam për ekspozimin e tepruar në media, por në raste të veçanta, sigurisht që më pëlqen të ndaj momente familjare ose profesionale”.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm