Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Profil/ Përvjetori i Steve McQueen, aktori "rebel" i viteve `60

Politiko 24 Mars 2022, 16:01

Sot është përvjetori i lindjes së një ndër aktorëve më emblematikë të Hollivudit, Steve McQueen. Ai lindi më 24 mars të vitit 1930 në Indiana, SHBA. Vitet e rinisë i ka kaluar në një ambient të vështirë, ku për shkak të mungesës së figurës atërore, ( i ati u nda nga nëna e tij që pa lindur Stivi) dhe dhunës verbale nga e ëma e alkoolizuar, ai gjeti ngrohtësinë e vatrës familjare tek gjyshërit materialë dhe tek ungji i nënës së tij.

Profil/ Përvjetori i Steve McQueen, aktori "rebel" i viteve `60

Për shkak të destabilitetit emocional të së ëmës, ai herë qëndronte tek gjyshërit e herë me nënën e tij. Nëna e tij, Julia Ann u martua sërish, por bashkëshorti i saj kishte një marrëdhënie të tensionuar me Stivin. Për shkak të mungesës së dashurisë nga Julia, dhunës fizike dhe verbale nga njerku dhe mungesës së të atit, McQueen pësoi një krizë ekzistenciale. Kjo gjë e çoi atë drejt rrugës së krimit dhe përfshirjes së tij në një bandë. Atë e kanë arrestuar disa herë për krime të vogla. Për të ndrequr këto “huqe” të tij, e ëma e çoi në një shkollë riedukimi në qytetin Chino. Nga viti 1947 deri në 1950, ai shërbeu në Trupat e Marinës së SHBA-ve. McQueen nisi studimet në degën e aktrimit në Nju Jork në vitin 1952. Roli që e katapultoi atë në industrinë e filmit ishte seriali "Wanted Dead or Alive" (1958-1961). Filmat ku ai u evidentua më tepër nga audienca, por edhe nga kritika janë: "The Sand Pebbles" (1966), "Love With The Proper Stranger" (1963), "Nevada Smith" (1966) e mjaft filma të tjerë.

Profil/ Përvjetori i Steve McQueen, aktori "rebel" i viteve `60

Ai ishte i apasionuar pas makinave dhe motorëve dhe sipas djalit të tij Chad, Stivi kishte në pronësi rreth 100 makina, 100 motorë dhe disa aeroplanë. Ky pasion i tij nisi që në vegjëli dhe e ndoqi përgjatë karrierës aktoreske, ku një pjesë të skenave të rrezikshme me makina dhe motorë nëpër filmat e tij, ai i realizonte vetë. Gjithashtu ai ka marrë pjesë në shumë gara me makina dhe motorë dhe kjo e veçoi nga lëmi i aktorëve të tjerë dhe e formësoi si një simbol të “bad boy-it” amerikan, sigurisht e ndërthurur dhe me aspektet e lartpërmendura të jetës së tij.

Profil/ Përvjetori i Steve McQueen, aktori "rebel" i viteve `60

Origjinaliteti i tij qëlloi të ishte i njëkohshëm me lëvizjen Hippie dhe u konsiderua si epitomë e frymës së lirë dhe rebelizmit që konvenonte me filozofinë anti establishment të kësaj kundër-kulture. Ai abuzonte me alkoolin dhe drogën, gjë që i solli probleme në vitet e mëvonshme. Gjithashtu konsiderohej si një "sex symbol" dhe historitë e tij të dashurisë me femrat e Hollivudit bënin jehonë menjëherë në median rozë.

McQueen u martua në vitin 1956 me aktoren dhe kërcimtaren filipineze Neile Adams, me të cilën pati një vajzë dhe një djalë. Në vitin 1979, ai u diagnostikua me kancer të mushkërive. Më 9 shtator të vitit 1980, ndërroi jetë nga një atak në zemër në moshën 50 vjeçare, në një spital në qytetin Ciudad Juarez në Meksikë.