Flash News

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

Përplaset kamioni dhe ambulanca në aksin Fier-Lushnjë, katër të plagosur

POLITIKOFF

Prokuroria kërkoi burg për të dhe të atin, reagon Elia Zaharia

Politiko 13 Nëntor 2024, 19:15

Prokuroria kërkoi burg për të dhe të atin, reagon Elia

Sot, Prokuroria e Tiranës ka paraqitur pretencën për ngjarjen e bujshme që përfshiu Princ Lekën, ish-bashkëshorten e tij Elia Zaharia dhe babain e saj, Gjergj Zaharia. Konflikti, i cili ndodhi më 25 mars në Oborrin Mbretëror, u bë publik pas një videoje të filmuar nga vetë Princ Leka, ku përplasej me Elian dhe ish-vjehrrin e tij. Të tre kanë bërë kallëzime kundër njëri-tjetrit, duke çuar çështjen në gjykatë.

Prokuroria ka kërkuar dënim me 1 vit e 6 muaj burg për Princ Lekën, 6 muaj për Elia Zaharinë dhe 1 vit për babain e saj. Organi i akuzës ka propozuar që, nëse shpallen fajtorë, dënimi t'u konvertohet në shërbim prove.

Në një deklaratë për Euronews Albania, Elia Zaharia u shpreh se nuk ka koment për çështjen dhe se po ndjek procesin në heshtje. Në vijim, ajo përmendi angazhimin e saj në Panairin e 27-të të Librit, duke i ftuar qytetarët të marrin pjesë në këtë ngjarje kulturore.

“Unë jam mirë, sot isha prezente pas çeljes së panairit dhe do jem për 3 ditë me radhë në ndjekje të përditshme. Unë pata kënaqësinë dhe privilegjin të prezantoj çeljen e Panarit të 27 të Librit. Komenti që kam është që i ftoj të gjithë në këto 5 ditë feste në ngjarjen më të madhe kulturore në vend. Libri është miku më i mirë, të mundëson të jetosh shumë jetë. Më vjen keq por nuk kam koment, çështja është në gjykim, unë respektoj në heshtje procesin”, tha Zaharia.

Gjykata e Tiranës pritet të japë vendimin më 13 dhjetor, ndërsa çështja po shqyrtohet nga gjyqtarja Migena Laska. Të tre të përfshirët akuzohen për veprën penale “dhunë në familje” dhe po gjykohen me procedurë të shkurtuar.

Të fundit