Propozimet e veshjeve për "Emily in Paris 2"

“Emily in Paris”, siç e keni mësuar të gjithë tashmë, do të ketë një sezon të dytë. Filmi që i fiksoi të gjithë adhuruesit e serialeve dramë – komedi, por edhe adhuruesit e modës gjithashtu, do të ketë një serial të dytë në Netfilx. Ky i fundit e ka mbyllur tashmë kontratën me produksionin.

Emily, një vajzë e re, single, zhvendoset në Evropë për punën e saj të ëndrrave, por rrugës haset me disa pengesa. Lily Collins, aktorja kryesore, zbarkon në Francë me më pak se 50 ndjekës dhe postimet e saj të përditshme në Paris arrijnë ta kthejnë atë në një influencuese mode.

Seriali tregon jetën pariziene, kulturën, modën e pagabueshme, e cila u kthye në frymëzim për të gjitha vajzat e reja, por edhe më gjerë se aq.

Gardëroba e filmit është çmenduri! Dhe pikërisht këtu nis faza e dytë…

Kush nuk shkroi për beretat e famshme të Emily-t apo për veshjet me printe nga kulla Eiffel, këpucët dhe çizmet stileto, një ‘magazinë’ e pafund veshjesh, të cilat e çuan Emily-n në një ikonë të vërtetë mode.

Ndryshimi drastik i personazhit u vu re gjatë transferimit të saj në Paris. Ju të gjithë e kujtoni që Emily, në zyrën e saj në Çikago, mbante veshur thjesht një fustan të shkurtër.

Në një analizë të fundit të prestigjiozes Vogue për veshjen e aktores në sezonin e parë, ajo që të bie në sy është fakti që veshjet e Emily-t nuk janë aq afër mënyrës se si vishen vajzat e reja në vitin 2020. Pothuaj gjatë gjithë kohës, thuhet se Emily nuk është elegante, madje të bën të besosh se asaj nuk i intereson aspak moda, shkruan "Revista Class".

Megjithatë, përtej të gjitha komenteve dhe analizave të personazhit që janë bërë gjatë këtyre kohëve, të gjithë janë dakord me faktin që Emily është një vajzë e zgjuar, e cila dominon jo vetëm te bashkëmoshataret e saj, por edhe më gjerë. Ajo ka ndikuar mjaftueshëm në mënyrën e veshjes së miqve dhe bashkëmoshatarëve të saj. E ashtuquajtur ‘eksperte e mediave sociale’, ajo kalon shumë kohë në Instagram, duke ndjekur influencueset parisiene si Jeanne Damas, Sabina Socol dhe Leia Sfez.
Gjithçka që mbetet për t’u thënë është që ky lloj evolucioni që, natyrisht, ka lindur edhe si meritë e Emily-t, do të vijojë për një kohë të gjatë.

Por, prisni! Vogue ka parashikuar plot 15 veshje, me të cilat Emily mund të prezantohet në sezonin e dytë. Këtë herë ajo është banore e Parisit, është me këmbë në tokë dhe po bën jetën që do. Duke u nisur nga këto të dhëna, me siguri, edhe veshjet e saj do të jenë me personalitet.

15 veshjet që Emily duhet t’i marrë në konsideratë për sezonin e dytë.