"Papërgjegjshmëria masive shqiptare", pse Lisa Kujofsa u largua nga 'Klanifornia'

Aktorja Lisa Kujofsa u largua nga spektakli "Klanifornia" në "Tv Klan", njoftim të cilin e dha vetë aktorja në fund të shtatorit.

Në një intervistë sot në emisionin e mëngjesit në ABC News, “ABC-ja e mëngjesit”. Lisa u shpreh se dëshira për t’u larguar nisi me mungesën e publikut në spektakël, pas rregullave të vendosura si masë për të parandaluar Covid.

“'Klanifornia', si të gjitha spektaklet me publik, nuk ka më publik dhe që këtu filloi një mangësi, një ftohtësi. Shfaqjet që janë në publik, duan reagimin e menjëhershëm, sidomos kur bën humor [dhe kur reagimi mungon] është vrastare, është shumë e vështirë. Unë e ndiej shumë të vështirë po nuk pata reagimin. Bluaj gjithmonë në mendje ‘obobo, ç’po bëj unë këtë? Ç’dua unë këtu?’."

Lisa shtoi po ashtu:

“Arsyeja kryesore ishte që doja të isha në shtëpinë time dhe doja të isha larg një papërgjegjshmërie masive shqiptare përkundrejt situatës ku ndodhemi. Nuk kam as frikë as turp ta them. Më vjen keq për këtë situatë. Ti mund të më besosh ose mund të mos më besosh, por që kur ka ardhur viti i ri unë kam dalë vetëm një herë jashtë, për të bërë pazar. Unë nuk kam dal, sepse kam një lloj përgjegjshmërie. U mblodhën një sërë gjërash dhe vendosa të largohesha.”

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm