Pse u irritua kaq shumë Neslihan Atagul kur u pyet për Burak Özçivit

"Kara Sevda" është një nga projektet më të mira turke, nje serial dramatik që ka kaluar çdo pritshmëri audience dhe është shitur në mbarë botën duke u kthyer në një nga dramat më të vlerësuara turke, pasi mori çmim dhe në "Emmy", një arritje e madhe për produksionet turke.

Dy protagonishtët, Neslihan Atagul dhe Burak Özçivit, ishin një dyshe që kishte shumë kimi, përveçse profesionistë. Marrëdhëniet ishin shumë të mira të dy aktorëve në fillim, por më pas filluan lajmet në mediat turke që një dashuri po lindte mes tyre.

Si duket këto lajme bënë shumë xhelozë partnerët përkatës të Burak dhe Neslihan, sidomos të kësaj të fundit. U panë edhe në shesh xhirim të dy partnerët e tyre, disa herë. Dhe këtu mesa duket filloi të ftohej marrëdhënia Neslihan-Burak.

Disa media shkruanin se jashtë xhirimeve ata madje nuk flisnin fare dhe pse në skenat e xhiruara ata ishin shumë profesionistë.

Gazetarët i janë rikthyer sërish kësaj teme, teksa kanë pyetur Neslihanin që shoqëronte të shoqin në një event.

“Nëse do të merrje një ofertë për një serial të ri, a do të luajë sërish krah Burak Özçivit?”-e pyetën gazetarët aktoren turke.

Neslihan është nxehur nga këto pyetje dhe është përgjigjur e irrituar:

“Çfarë lidhje ka kjo? S’më pëlqen kjo pyetje! Më falni, por kjo s’është pyetje me vend”-u përgjigj Neslihan.

Më pas gazetarët e pyetën aktoren nëse po mendon të bëhet me fëmijë.

“E mendoj, po ju e mendoni?”-u përgjigj ajo dhe më pas u largua me makinë. Nuk dihet pse Neslihan ka këtë reagim sa herë pyetet për aktorin Burak Ozcivit.