Flash News

Parlamenti i ri/ 82 deputetët që do të mungojnë nga shtatori

“I refuzojmë dy ekstremet”, ambasada amerikane në Tiranë ndan fjalimin e Zv.Sekretarit të Shtetit

U dënua me 1 vit burg, Ervin Salianji kërkon liri me kusht

Detaje nga shpërthimi në burgun e Fushë Krujës, lënda plasëse u hodh pranë gjeneratorit

Shpërthim me tritol brenda rrethimit të burgut të Fushë-Krujës

POLITIKOFF

Rikthimi i Flori Mumajesit në skenë shqetëson fansat: Sa trishtim

Politiko 22 Dhjetor 2022, 14:16

Rikthimi i Flori Mumajesit në skenë shqetëson fansat: Sa trishtim

Flori Mumajesi u rikthye mbrëmjen e djeshme në skenë, duke marrë pjesë si i ftuar në "Festivalin e Këngës", ku këndoi me Fifin këngën "Larg u largove". Kjo dalje e tij vjen pas një mungese të gjatë dhe pas dramës që u krijua në mediat sociale pak javë më parë me fshirjen e disa prej këngëve të tij ikonike, rikthimin e tyre dhe deklaratave plot pikëpyetje nga Flori.

Fansat e tij ishin  shumë entuziastë dhe të lumtur për rikthimin e Florit në skenë. Por, komentet në mediat sociale kanë shprehur edhe shqetësimin e tyre për gjendjen e kantautorit. Sipas komenteve të përdoruesve të rrjeteve sociale Flori është i trishtuar dhe nuk duket mirë.

Në sekuenca të ndryshme nga dalja e tij e mbrëmshme të publikuara në TikTok dhe Instagram gjejmë komente si "Sa i trishtuar Flori në fytyrë"/ "Çfarë ka Flori"/ "Flori nuk duket mirë"/ "Sa i dëshpëruar Flori, duam të rikthehet"/ "Si e shikon Flori, sa gjynah".

Rikthimi i Flori Mumajesit në skenë shqetëson fansat: Sa trishtim

Rikthimi i Flori Mumajesit në skenë shqetëson fansat: Sa trishtim

Pak javë më parë Flori publikoi një video në Instastory, ku shfaqej i trishtuar dhe tha se disa nga këngët e tij më të mira, u zhdukën nga Youtube. Ai shtoi se muzika e tij ka vdekur dhe se fajin e kanë fansat, që s’e kanë ngushëlluar. Një ditë më pas, Flori deklaroi se shumë njerëz janë shqetësuar për gjendjen e tij duke i siguruar se është mirë dhe thjesht e kishte të nevojshme ta ndante këtë me ndjekësit dhe ata që duan muzikën e tij.

E më pas përmes disa Instastory-sh në llogarinë e tij të Instagramit ndau detaje shumë intime nga jeta personale dhe gjendja e tij emocionale, që qartazi dukej e ngarkuar. "Nuk kam lexuar komente, portale, tituj që i kisha marrë parasysh që para se t'i bëja. Unë s'jam artist, jam njeri si ju, si të gjithë ju. Mbase këtë mburojën emocionale e kam pak më të dobët dhe sa vjen edhe dobësohet më shumë, ndoshta edhe nga konsumi. Eshtë histori emocionale, jete, cikli i jetës. Duke nisur me këngën "Thjesht të du", që është simboli jetës, i dashurisë. Para disa ditësh isha në Greqi dhe mbase prandaj e bëra atë videon. Aty u ngarkova shumë dhe ndoshta s'duhet të kisha reaguar ashtu. Kam qenë i vogël, 13-14 vjeç, ku pësova dhimbjen më të madhe në jetë, të parën. Një ditë pasi im atë doli nga spitali..."- u shpreh Flori.

Në një tjetër video, ai i drejtohet dikujt, si "shoqja ime e ngushtë" që sipas tij, e ka akuzuar se po viktimizohet me të tilla deklarata. Si një personazh hermetik pak pse aspak dihet për jetën e tij. E gjitha këto episode kanë shkaktuar pikëpyetje mbi gjendjen e Florit dhe njerëzit me të drejtë pyesin se çfarë po ndodh me të?

Të fundit