Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“‘Rilindja’ rruspi po na përndjek deri në shtëpi”, deputetja Açka tregon bisedën me patronazhisten

Politiko 13 Maj 2023, 20:02

“‘Rilindja’ rruspi po na përndjek deri në

Deputetja e PD, Flutura Açka përmes një postimi në ‘Facebook’ ka treguar me ndjekësit e saj në rrjetet sociale një ngjarje që i ka ndodhur këtë të shtunë që është dhe heshtje zgjedhore. Açka shkruan se pavarësisht se sot është caktuar heshtje zgjedhore, në banesën e saj ka trokitur një zonjë e cila dëshironte të bënte një anketë publike, lidhur me kandidatin që do votonte por fakti që e kishte njohur si figurë publike nuk e kishte realizuar. Deputetja demokrate e ka konsideruar gruan në fjalë si patronazhiste.

“Rilindja” Mavi e Rruspi të përndjek edhe sot deri në shtëpi

Tek bëhesha gati disa minuta më parë të dilja nga shtëpia për t’u nisur për Elbasan, ra zilja e derës. Një grua, e cila më njohu sapo më pak, u step pak kur më pa përtej pragut.

Kishte ardhur për një anketë publike, por nuk e bëri anketën. Vetëm shkarraviti mbi ca letra që mbante në dorë. U ankua se disa banorë e kishin pritur keq, i kishin thënë: “Ik moj komuniste!” Folëm edhe për politikën dhe nuk ishte e nevojshme t’i tregoja se për kë kandidat për kryetar bashkie dhe kë parti do të votoja. Shpërvoli buzët dhe tha një shprehje disi raciste, që vërtet më kujtoi veten time nën diktaturë, kür edhe pse isha lindur e rritur vetë  dhe ime më në Elbasan, thirresha jabanxheshë. Ajo kohë që ma kujtoi gruaja e beftë te porta, ashtu ishte.

“Po pse të shtunën po e bën këtë punë?”

“Se nuk e mbarova dot gjatë javës.”

Shtypi ashensorin dhe zbriti duke këmbëngulur që të mos e respektoja aq shumë duke pritur që ajo të ikte. Në fakt nuk po respektoja atë, por vajzën e saj të vogël e të brishtë që e tërhiqte me vete gjatë patronazhimin të orëve të fundit që po bënte.

Do të thoni: Ku je kaq e sigurt që po patronazhonte?

Jam e sigurt, sepse nuk u ngjit më lart në dyert e tjera, edhe pse kishte edhe pesë kate për anketën e saj. Fundja po bënte punën e shtetit. Takimi me një ”armike” si unë mund t’i prishte punë asaj, anketës së saj dhe mavisë së saj të zbardhur nga djallëzia ndaj shqiptarëve edhe në një ditë heshtjeje elektorale.

Të fundit