Rita Ora merr në pronësi të plotë, muzikën e saj

Rita Ora ka nënshkruar një marrëveshje globale regjistrimi me BMG që i jep asaj pronësinë e të gjitha regjistrimeve kryesore të ardhshme.

Ylli e njoftoi lajmin përmes një postimi në Instagram, duke thënë se ishte “fuqizuese të dijë” se ajo kishte në kontroll muzikën e saj.

Ora kishte nënshkruar më parë me Atlantic Records, ku shënoi 10 hitet më të mira, duke përfshirë “Anyëhere” dhe “Let You Love Me”.

Para kësaj, ajo paditi për t’u liruar nga një kontratë me Roc Nation të Jay-Z, duke thënë se kishte mbetur “jetime” nga labeli.

Kompania e ndihmoi atë të niste karrierën e saj solo në 2012, por Ora ndërmori veprime ligjore tre vjet më vonë, duke thënë se karriera e saj ishte bërë një prioritet i ulët pasi Roc Nation ndoqi interesa të tjera në menaxhimin e sporteve dhe shërbimin muzikor Tidal.

Pasi arritën një marrëveshje në qershor 2016, Ora nënshkroi me Atlantic – por ata publikuan vetëm një album së bashku, Phoenix.

Rekordi, i cili është i çertifikuar i artë në MB, përmbante këngët hit Your Song (bashkë-shkruar nga Ed Sheeran) dhe For You (nga filmi Fifty Shades Freed).

Publikimi i saj i fundit për labelin ishte Bang EP i vitit të kaluar, i cili dështoi të dilte në listë në MB. Pas kësaj, kontrata e saj me Atlantic besohet se ka skaduar.

Ajo ka një karrierë paralele në film dhe TV, dhe është gjyqtare në “The Masked Singer UK”.

Kantautorja tha se fansat mund të presin të dëgjojnë muzikë të re “shumë shpejt”.

“Qasja e kompanisë ndaj pronësisë dhe kontrollit të artistit është shumë në përputhje me timen”, shkroi ylli në Instagram.

“Jam shumë e emocionuar për muzikën e re për të cilën kam punuar dhe mezi pres ta ndaj me të gjithë ju”.

Ajo falënderoi gjithashtu “ekipin e mrekullueshëm” në Atlantic Records, duke vënë në dukje se ata e kishin ndihmuar atë të vendoste një rekord për 10 këngët më të mira të një artisteje britanike.