Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Sa janë paguar aktorët e filmit të shumëpritur "Barbie"

Politiko 2 Gusht 2022, 20:01

Sa janë paguar aktorët e filmit të shumëpritur

Margot Robbie do të luajë në rolin e Barbie dhe Ryan Gosling si Ken në filmin e ri të “Barbie” që do të ketë premierën në verën e vitit të ardhshëm. Së fundmi është mësuar se Margot është shpallur si “aktorja e re më e paguar” pasi u zbulua paga e saj kolosale për komedinë e shumëpërfolur.

Aktorja australiane, 32 vjeçe, është duke grumbulluar 12.5 milionë dollarë për të luajtur në rolin kryesor të filmit të regjisores dhe shkrimtares së nominuar për çmimin Oscar, Greta Gerwig, bazuar në kukullën ikonike Mattel me të njëjtin emër. Ryan Gosling, i cili luan si Ken në këtë film, gjithashtu ka fituar 12.5 milionë dollarë.

Sa janë paguar aktorët e filmit të shumëpritur

Aktorë të tjerë me fitime të larta që ende renditen mbi nivelin mbresëlënës të pagës së Robbie përfshijnë legjendat e ekranit si; Denzel Washington në filmin “The Equalizer 3”, i cili mblodhi 20 milionë dollarë, Leonardo DiCaprio në “Killers of the Flower Moon”, i cili vjen me 30 milionë dollarë dhe Tom Cruise, i cili renditet si aktori më i paguar me 100 milionë dollarë për “Top Gun: Maverick”.

Sa për aktoret femra, ylli i “Stranger Things”, Millie Bobby Brown fitoi 10 milionë dollarë për filmin e ri të Netflix “Enola Holmes 2”. Gjithashtu në listë ishin Jamie Lee Curtis në filmin “Halloween Ends” me 3.5 milionë dollarë dhe Anya-Taylor Joy në “Furiosa” duke fituar 1.8 milionë dollarë.

Robbie më parë fitoi 10 milionë dollarë për filmin e saj të Harley Quinn në vitin 2020 “Birds of Prey”. Aktorja e “I, Tonya” luan së bashku me Gosling, 41 vjeç, si Ken si dhe Simu Liu, Will Ferrell, Michael Cera, Issa Rae dhe Kate McKinnon në “Barbie” të vitit të ardhshëm.

Rikujtojmë, se aktorja e famshme australiane arriti kulmin e karrierës së saj pas rolit të Harley Quinn në filmin e famshëm “Suicide Squad”. Në një intervistë për “The Hollywood Reporter” ajo është shprehur se fama ka shumë pasoja dhe disa nga këto të kushtojnë shumë para.

 

Të fundit