Flash News

POLITIKOFF

Semi Jaupaj flet për Ron Zaitin dhe partneren e re të Bojken Lakos: Është simpatike

Semi Jaupaj flet për Ron Zaitin dhe partneren e re të Bojken Lakos:

Gjatë verës Semi Jaupaj u përfol për një lidhje me këngëtarin Ron Zaiti. Ata sollën një bashkëpunim në videoklipin e të cilit dukeshin tejet të afërt e më pas u fotografuan bashkë në momente intime.

Mirëpo, teksa ata vetë nuk kanë folur asnjëherë për statusin e marrëdhënies së tyre, u vu re se dyshja nuk ndiqeshin më në Instagram. Qofshin si miq, partnerë, apo ish-partneri dy këngëtarët ishin në listën e ndjekësve të njëri-tjetrit por më pas diçka ndodhi dhe ata u hoqën nga Instagrami. Por jo vetë kaq.

Semi zbuloi se edhe kënga e tyre është fshirë nga Roni nga YouTube duke nënkuptuar që janë ndarë jo miqësisht. "E ka fshirë këngën nga YouTube. Çfarë t’i bëj unë atij”.- tha këngëtarja në "Zemër Luana".

Sakaq, ajo foli edhe për lidhjen e re të ish-partnerit Bojken Lako, duke e cilësuar partneren e tij të re si një 'vajzë simpatike'. "Nuk e di sa dihet, por Boikeni ka nisur një lidhje me një vajzë simpatike, bionde."-tha Semi, duke lënë të nënkuptohet se e ka takuar atë.

Risjellim në vëmendje se Bojken ka nisur një lidhje të re prej muajsh dhe ndonëse ai nuk e ka zbuluar se kush është vajza që ia ka marrë zemrën ai është shfaqur shpesh në publik me të.

Të fundit