Flash News

250 euro nata për klientët virtualë, zbulohet prostitucioni online

Yrshek, 15-vjeçari përplas për vdekje një të moshuar

Kërcënohet me jetë Presidentja e Kosovës, Vjosa Osmani

Rekurs në Gjykatën e Lartë / Veliaj kërkon ndryshimin e masës "arrest me burg"

U diagnostikua me kancer, Biden thyen heshtjen

POLITIKOFF

“Shkodra Elektronike” reagon pas finales së Eurovision: Donim të fitonim zemrat tuaja

Politiko 19 Maj 2025, 16:35

“Shkodra Elektronike” reagon pas finales së Eurovision: Donim

Pas një paraqitjeje të paharrueshme në finalen e Eurovision 2025, e cila u zhvillua më 17 maj, përfaqësuesit e Shqipërisë, “Shkodra Elektronike”, kanë reaguar për herë të parë në rrjetet sociale.

Në një postim të publikuar në faqen zyrtare në Instagram, Beatriçe Gjergji dhe Kolë Lacaj, dyshja që qëndron pas këtij projekti muzikor, kanë shpërndarë një foto nga performanca në finale, shoqëruar me një mbishkrim emocional:

“Donim të fitonim zemrat tuaja. Duket se ia dolëm. Apo jo?” – frazë e shkruar në tre gjuhë: shqip, anglisht dhe italisht.

Reagimi i tyre ka ngjallur menjëherë emocione dhe vlerësime nga publiku. Komentet në postim dëshmojnë se “Zjerm”, kënga me të cilën ata përfaqësuan Shqipërinë, ka rrëmbyer zemrat e shumë adhuruesve të muzikës brenda dhe jashtë vendit.

“Shkodra Elektronike” performoi e fundit në natën finale, duke mbyllur spektaklin me një energji të zjarrtë. Kënga u ruajt në versionin origjinal në gjuhën shqipe, duke sjellë në skenën ndërkombëtare një kombinim unik të folklorit shqiptar me rrymat moderne elektronike.

Në përfundim të votimit, Shqipëria grumbulloi 218 pikë, ku 173 vinin nga televotimi i publikut dhe vetëm 45 nga juritë profesionale, duke u renditur në vendin e 8-të mes 26 finalistëve.

Për t’u veçuar ishte Franca, e vetmja që i dha Shqipërisë 12 pikë të plota nga juria, një mbështetje simbolike për një nga performancat më të përfolura të mbrëmjes.

Edhe pse Shqipëria nuk e fitoi trofeun, “Shkodra Elektronike” e vendosi vendin në qendër të vëmendjes evropiane. Sondazhe të shumta dhe media ndërkombëtare si CNN e renditën Shqipërinë ndër vendet me performancën më mbresëlënëse të Eurovisionit 2025.

 
 
 
 
 
View this post on Instagram
 
 
 
 
 
 
 
 
 
 
 

A post shared by Shkodra Elektronike (@shkodraelektronike)

Të fundit