Si ta mbani veten dhe shtëpinë të freskët pa ajër të kondicionuar

Edhe në rastet kur mund të jeni pa energji, ose duke u përpjekur të kurseni para, ka mënyra për t'u ndjerë rehat pa ftohje artificiale.

Trupi nuk duhet të jetë shumë i nxehtë për një kohë të gjatë, pasi nxehtësia e tepërt mund të dëmtojë trurin dhe organet e tjera, sipas Institutit Kombëtar të Shëndetit të SHBA.

Djersitja është sistemi natyror i ftohjes së trupit, por kur kjo nuk mjafton, ekziston rreziku i shtuar për zhvillimin e hipertermisë së sëmundjes së lidhur me nxehtësinë – shenjat e së cilës përfshijnë ngërçe nga nxehtësia, edemë nga nxehtësia dhe goditje nga nxehtësia. Nxehtësia e kombinuar me lagështinë e lartë e përkeqëson këtë rrezik, pasi niveli i ngopjes së ajrit bën që djersa të grumbullohet në lëkurë, duke parandaluar që trupi të ftohet në mënyrë natyrale, sipas CNN.

Qëndrimi në ambiente të freskëta mund të bëhet duke përdorur disa furnizime bazë dhe duke ditur se si të arredoni shtëpinë tuaj për të kontrolluar temperaturat e saj. Ja se si:

Qëndroni të hidratuar: Kur jeni të nxehtë dhe të skuqur, hidratimi i vetes është hapi i parë dhe kryesor drejt ftohjes, tha Wendell Porter, një pedagog në inxhinierinë bujqësore dhe biologjike në Universitetin e Floridës.

Temperatura e ujit nuk ka rëndësi pasi trupi juaj do ta ngrohë atë, shtoi ai. Nëse trupi juaj vuan nga nxehtësia dhe duhet të ftohet, nuk mund ta bëjë këtë pa lagështi të mjaftueshme, pasi trupi ftohet duke djersitur.

Bëni një dush: Një dush i ftohtë ose një banjë ndihmon në ftohjen e trupit tuaj duke ulur temperaturën e brendshme, tha Porter. Për një freski që zgjat  provoni sapun me nenexhik.

Përdorni lecka të ftohta në qafë ose kyçe: Vendosni një leckë të ftohtë ose qese akulli (pako) në kyçet e dorës ose mbështilleni rreth qafës për të ftohur trupin tuaj. Këto pika pulsi janë zona ku enët e gjakut janë afër lëkurës, kështu që ju do të ftoheni më shpejt.

Mbyllni perdet tuaja: Nëse keni dritare që shikojnë drejtimin e diellit nga mëngjesi deri në pasdite.

Flini me rroba prej liri: Pambuku është një nga materialet më të mira, kështu që çarçafët e pambukut mund t'ju ndihmojnë të rrini të freskët gjatë natës.